Солалан оды

Гайдов Софроний

Cолалан оды

Туан солаэм, тау тӹлӓт курым,
Шипкӓ дон рӹпшен куштенӓт
цилӓм
Цаценӓт ӹштӓш каждыйлан
тӹнь пурым
Перегӓш цацат тӹньжӹмӓт
цилӓн.

Ирок ирӹ шӹкшет камакажын
Ужын шӹнзӓш семнявлӓм
стӧл лош.
ӓнят кӱте селмӓгиндӹ карын,
Тотлы ылын качкыш чотымаш.

Керек ылын сыкыр ирсӓ турин,
Тӹнь колтенӓт шукыжым
пӓшӓш.
ӹштен халык тек пӓшӓжӹм
мырен,
Сӹнзӓвӹдӹм лыктын,
ӓль сусулан цӓш.

Роды важет тӹньӹн йӓ
лаштыра,
Лыдын кеӓш ак ситӹ жепшӓт.
Ыжатенӓт бойыш йӓнг
карштарен.
Пелӹжӓт вет толте кӹзӹтӓт.

Толшыжат ӹндежӹ
соэш коден.
Кенӹт мӓмнӓн райышкы
Земляш
Шукеш агыл мӓжӓт кенӓ
шонгем,
Пуры шӱлӹш кандымы
семняш.

Цилӓ халык, кӱ ӹлӓ халашты,
Лӓктӹн тоцет тидӹ, лачокат.
Лач ӹндежӹ лу доно каваштын
Кодынат тӹнь Земля
вӹлнӹжӓт.

Охыремӹт пӧртвлӓ анжен
кайын,
Вес ирокеш уке пашкудат.
Тумаялмык корнына вет
самынь.
Шукы вурчен мӓмнӓм шим
кудат.

Такеш ма йӓ воят йӹрвӓш
дачым
Сола шӱлӹш ӱжеш мӹнгешок
Пырыл нӓлӓт цажпычым дӓ
качым,
Яшт мондалтеш ресторанын
тот.

Ик тома гӹц ӹлянен халажы,
ӹнде нелеш тӹдӹ соламат.
Лач крӱгӓштӹ ӹлӹмӓш
ташкалтыш,
Сола у гӹц нелеш халамат.

ӹнде чӹдӹ тетя юк солашты,
Шоэн шакта мӓгӹрӓлмӹ юк.
Ат уж ӹнде ечӹлӓжӹ мадшым.
Шанет ак вил цӓрӓ ялан юр.

Тидӹм сӹнгӓш шачын вет
эдемжӹ,
Погаш иктӹш шӓпнӹш кӹтӧмӓт
Лижӹ вурсын шанымаш
керемжӹ
Силан дӓ пингӹдӹн ӓштӹмӓш.

ӓштӓш келеш кӱ гӹцӹн
шачынна,
ӓштӓш келеш когоракшымат.
Вет ти светӹш выртеш мӓ
толынна,
Дӓ ӹлянӓш у гӹц тагышак.