Советскяй Социалистическяй Республикань Союзть Конституцияц (1936)/1938.01.15/06
| ←V Главась | Советскяй Социалистическяй Республикань Союзть Конституцияц (1938) VI Главась |
VII Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
VI ГЛАВАСЬ
Союзнай республикатнень государственнай управлениянь органцна
79-це статьясь. Союзнай республикань государственнай властень исполнительнай и распорядительнай высшай органкс ащи Союзнай республикань Народнай Комиссаронь Советсь.
80-це статьясь. Союзнай республикань Народнай Комиссаронь Советсь ответственнай Союзнай республикань Верховнай Советть инголе и теенза подотчетнай, а Союзнай республикань Верховнай Советть сессиянзон йоткста периодть эзда — Союзнай Республикань Верховнай Советть Президиумонц инголе, конанди подотчетнай.
81-це статьясь. Союзнай республикань Народнай Комиссаронь Советсь ноляй постановленият и распоряженият СССР-нь и Союзнай республикань действующай закоттнень коряс, СССР-нь Народнай Комиссаронь Советть постановлениянзон и распоряжениянзон коряс и синь исполненияснон инкса и проверяндакшнесыне синь исполненияснон.
82-це статьясь. Союзнай республикань Народнай Комиссаронь Советть ули правац лоткафнемс автономнай республикань Народнай Комиссаронь Советтнень постановленияснон и отменять краень и автономнай областень трудящаень депутатонь советтнень исполнительнай комитетснон решенияснон и распоряженияснон.
83-це статьясь. Союзнай республикань Народнай Комиссаронь Советть образует Союзнай республикань Верховнай Советсь тяфтама составса:
[ 18 ]Союзнай республикань Народнай Комиссаронь Советонь председательсь;
Председательть заместителенза;
Государственнай плановай комиссиянь председательсь.
Народнай Комиссархне:
- Пищевой промышленностень;
Легкай промышленностень;
Лесной промышленностень;
Земледелиянь;
Зерновой и животноводческяй совхозонь;
Финансонь;
Торговлянь;
Внутренняй тевонь;
Юстициянь;
Здравоохранениянь;
Просвешениянь;
Местнай промышленностень;
Коммунальнай хозяйствань;
Социальнай обеспечениянь;
Искусствань тефнень колга управлениянь начальниксь;
Обшесоюзнай Народнай Комиссариаттнень уполномоченнайсна.
- Пищевой промышленностень;
84-це статьясь. Союзнай республикань Народнай Комиссархне вятихть руководства государственнай управлениянь отраслятнень лангса, конат сувсихть союзнай республикать компетенцияс.
85-це статьясь. СССР-нь и Союзнай республикань закоттнень, СССР-нь и Союзнай республикань Народнай Комиссаронь Советтнень постановленияснон и распоряженияснон, СССР-нь Союзно-республиканскяй Народнай Комиссариаттнень приказснон и инструкцияснон коряс и синь исполненияснон инкса Союзнай республикань Народнай Комиссархне соответствуюшай Народнай Комиссариатонь компетенцияса ноляйхть прикаст и инструкцият.
86-це статьясь. Союзнай республикань Народнай Комиссариаттне ащихть союзно-республиканскяйкс или республиканскяйкс.
87-це статьясь. Союзно-республиканскяй Народнай Комиссариаттне вятихть руководства теест максф государственнай управлениянь отраслять лангса, сяка йоткова подчиняндайхть кода Союзнай республикань Народнай Комиссаронь Советти, станя и СССР-нь соответствующай союзно-республиканскяй Народнай Комиссариатти.
88-це статьясь. Республиканскяй Народнай Комиссариаттне вятихть руководства теест максф государственнай управлениянь отраслять лангса и подчиняндайхть видеста Союзнай республикань Народнай Комиссаронь Советти.