Советскяй Социалистическяй Республикань Союзть Конституцияц (1936)/1938.01.15/01
| ←Оглавлениясь | Советскяй Социалистическяй Республикань Союзть Конституцияц (1938) I Главась |
II Главась→ |
| Печатлаф: Мордгиз, 1938, Саранск. Примазень СССР-нь Верховнай Советть 1-це Сессияц. |
СОВЕТСКЯЙ СОЦИАЛИСТИЧЕСКЯЙ РЕСПУБЛИКАНЬ СОЮЗТЬ КОНСТИТУЦИЯЦ (ОСНОВНОЙ ЗАКОНОЦ)
I ГЛАВАСЬ
Общественнай устройствась
1-це статьясь. Советскяй Социалистическяй Республикань Союзсь — рабочаень и крестьянонь социалистическяй государства.
2-це статьясь. СССР-ти политическяй основакс ащихть трудящаень депутатонь Советтне, конат кассть и кемокставсть помещиконь и капиталистонь властть йордаманц вельде и пролетариатонь диктатурать завоеваниянц вельде.
3-це статьясь. СССР-са сембе властсь ащи ошень и велень трудящайхнень кядьса трудящаень депутатонь Советтнень вельде.
4-це статьясь. СССР-ти экономическяй основакс ащихть хозяйствань социалистическяй системась и производствань средстватнень и орудиятнень лангс социалистическяй собственностсь, конат тиевсть-кемокставсть хозяйствань капиталистическяй системать машфтоманц вельде, производствань орудиятнень и средстватнень лангс частнай собственностть мащфтоманц вельде и ломаньца ломанень эксплоатациять машфтоманц вельде.
5-це статьясь. СССР-са социалистическяй собственностсь ащи либо государственнай собственностень формаса (сембенародонь достояния), либо кооперативно-колхознай собственностень формаса (башка колхоснень собственностьсна, кооперативнай об'единениятнень собственностьсна).
6-це статьясь. Модась, сонь недранза, веттне, вирьхне, завоттне, фабрикатне, шахтатне, рудникне, машинакинь, воднай и воздушнай транспортсь, банкатне, связень средстватне, государствать мархта организовандаф велень хозяйствань крупнай предприятиятне (совхосне, машинно-тракторнай станциятне и ст. т ), а тяфта жа коммунальнай предприятиятне и основной жилищнай фондсь ошева и [ 6 ]промышленнай пункттнень эзга ащихть государственнай собственностекс, лиякс мярьгомс, сембенародонь достояниякс.
7-це статьясь. Колхоснень и кооперативнай организациятнень эзга общественнай предприятиятне синь живой и мертвай инвентарьснон мархта, колхознай и кооперативнай организациятнень тиендеви продукциясна, станя жа синь общественнай постройкасна ащихть колхознай и кооперативнай организациянь общественнай, социалистическяй собственностекс.
Эрь колхознай кудсь, общественнай колхознай хозяйствать эзда основной доходта башка, эсь личнай пользованиясонза кирди усадьбань перьфонь аф оцю участка мода и кирди усадьбань перьфонь участканц лангса личнай собственностень подсобнай хозяйства, эряма куд, продуктивнай жуватат, нармотть и велень хозяйствань мелкай инвентарь — вельхозяйственнай артелень уставть коряс.
8-це статьясь. Колхоснень кядьса ащи модась кемоксневи синь мельгаст питнефтема и срокфтома пользованияс, лиякс мярьгомс навечна.
9-це статьясь. Хозяйствать Социалистическяй системанц мархта ряцек, конац СССР-са ащи хозяйствань господствующай формакс, законць допускает единоличнай крестьянонь и кустарень мелкай частнай хозяйства, кона ащи личнай труд лангса и кона аф нолни лия ломанень трудонь эксплоатация.
10-це статьясь. Граждаттнень личнай собственностень праваснон синь трудовой доходснон и сбереженияснон лангс, эряма кудснон и кудонь подсобнай хозяйстваснон лангс, кудонь хозяйствань и обиходонь предметснон лангс, личнай потреблениянь и удобствань предметснон лангс, станя жа кода граждаттнень личнай собственностень лангс наследованиянь праваснон — ванцы (охраняет) законць.
11-це статьясь. СССР-ть хозяйственнай эряфоц определяндави и направляндави государственнай народно-хозяйственнай планть коряс стама интересса, щтоба касфтомс общественнай козяшить, апак лотксек кеподемс трудящайхнець материальнай и культурнай уровеньцнон, кемокстамс СССР-ть независимостенц и виияфтомс сонь обороноспособностенц.
12-це статьясь. Трудсь СССР-са ащи эрь трудоспособнай гражданинти обязанностекс и честень тевкс ся принципть коряс: „кие аф работай, ся аф ярхцай”.
СССР-са йотафневи эряфс социализмань принципсь: „кажнайста сонь способностенц коряс, кажнайти — сонь трудоня коряс”.