Скал (Ашальчи Оки)

Скал Автор: Ашальчи Оки 1918 ар

Правленняе пыре пурысьтам Ганька Бабай. Со, ӧс доры султыса, кияз изьызэ погмаса, сылэ.

Правленняын ӝӧк сьӧрын старшинаен подъясьёс пуко.

— Мар вералод, Ганька Бабай? — шуэ старшина.

— Сюлмаськон сюриз али, господин старшина, — шуэ Ганька. — Мынам скалэ тынэсьтыд скалдэ лекаса вием. Мар каром ини?

— Мар карод? Законэз ведь тодӥськод, дыр: тырод мыным скал дунме но ужед быроз, — шуэ старшина.

— Эй, дугды али, мыдлань вераськод, — шуэ Ганька. — Мынам скалэ тынэсьтыд вием ӧвӧл, тынад скалэд мынэсьтым скалме лекаса вием. Мар каром али табере?

— Ӧйтӧд, мар каром ини! — шуэ старшина. — Мон ӧй дышеты скалме тынэсьтыд скалдэ леканы.