Сказа́нїе ѡ҆ тре́хъ свинїѧ́хъ
Во вре́мѧ ѻ҆́но, живѧ́ше Ни́фъ‑Ни́фъ, и҆́же ѿ свині́й бѣ̀, и҆ два̀ бра̑та є҆гѡ̀ живѧ́ста съ ни́мъ, є҆́юже и҆́мєни бѣ́ста На́фъ-На́фъ и҆ Нꙋ́фъ-Нꙋ́фъ, ꙗ҆́коже и҆ бра́тъ и҆̀хъ свинїѧ́ма бѣ́ста. Ни́фъ-Ни́фъ и На́фъ-На́фъ ю҆ро́диви бѣ́ста, Нꙋ́фъ-Нꙋ́фъ же бѣ̀ сви́нъ, премⷣрости и҆спо́лненъ.
Живꙋ́щымъ же и҆̀мъ во странѣ̀ до́брѣй, и҆дѣ́же ꙗ҆до́ша бы́лїе травно́е и҆ ѿ пче́лъ со́тъ, ни въ че́мъ же и҆мꙋ́щымъ нꙋ̑жды, совѣща́шасѧ, гл҃го́люще: "Ꙗ҆́кѡ мы̀, до́брїи сви́нїи, живꙋ́ще во странѣ̀ до́брѣй, не и҆́мамы нꙋ̑жды, ѻ҆ба́че нѣ́сть на́мъ и҆дѣ́же всели́ти бли́жнихъ на́шихъ, и҆ всѧ̑ и҆мѣ̑нїѧ на̑ша. Во́зрастъ же и҆́мамы поѧ́ти себѣ̀ же́нъ и҆ роди́ти сынѡ́въ и҆ дщере́й, кро́ва же нѣ́сть, ни нощлѣ́га, ни прⷭ҇то́ла домѡ́въ на́шихъ. Сотвори́мъ же себѣ̀ трѝ кꙋ̑щи до́блихъ, и҆дѣ́же всели́мсѧ съ же́нами и҆ ча́дами на́шими и҆ всѣ̑мъ и҆мѣ́нїемъ на́шимъ."
И҆ бы́сть ра́спрѧ въ бра́тїи, ꙗ҆́кѡ гл҃а кі́йждо сотвори́ти хра́минꙋ себѣ̀ по жела́нїю своемꙋ̀. И҆ не возмого́ша рѣши́ти, ка́кѡ подоба́етъ твори́ти до́мы своѧ̑, и҆ кі́йждо, и҆сше́дъ, сотворѝ ѧ҆̀, ꙗ҆́коже размышлѧ́ше въ себѣ̀. Сотворѝ же Нифъ-Нифъ кꙋ́щꙋ и҆зъ пле́вєлъ, На́фъ-На́фъ и҆зъ хвра́стїѧ, а҆ Нꙋ́фъ-Нꙋ́фъ и҆зъ ка́мене сотворѝ до́мъ.
И҆ бы́сть, внегда̀ почива́хꙋ сви́нїи сі́и на ло́жахъ свои́хъ по́дъ кровлѧ́ми хра́минъ свои́хъ, прїи́де въ зе́млю тꙋ во́лкъ и҆ речѐ: "И҆́щꙋ расхи́тити и҆мѣ́нїѧ, є҆го́же не собира́хъ! Хощꙋ̀ поѧ́ти ѿ скота̀, є҆го́же не пасо́хъ и҆ не воздо́ихъ!" И҆ ѹ҆вѣ́де ѡ҆ прасѧ́хъ си́хъ, речѐ въ себѣ̀: "Ѕѣлѡ̀ хощꙋ̀ поѧ́сти ѧ҆̀!"
Прише́дъ же Во́лкъ въ ва́ръ дне́вный къ домꙋ̀ плеве́льномꙋ, въ не́мъ же почива́ше Ни́фъ-Ни́фъ, не размышлѧ́ѧ стра́ха сме́ртнаго, грѧдꙋ́ща къ немꙋ̀, дхнꙋ̀ ѕѣлѡ̀ крѣ́пкѡ на пле́вєлы до́ма Ни́фъ-Ни́фова, и҆ сотрѧсо́шасѧ стѣ̑ны до́мꙋ тогѡ̀ и҆ рꙋхнꙋ́ша, ꙗ҆́кѡ не и҆мѣ́ша ѡ҆снова́нїѧ на ка́мени, всѧ̑ же и҆зъ пле́вєлъ бѣ́ша.
Внегда̀ же сокрꙋша́хꙋсѧ стѣ̑ны до́ма, Ни́фъ-Ни́фъ, восста́въ ѿ сна̀, речѐ: "Ѽ, го́рѣ мнѣ̀, ꙗ҆́кѡ не послꙋ́шахъ ѹ҆вѣща́нїй бра́тїй мои́хъ, ре́кшихъ ми, ꙗ҆́кѡ не подоба́етъ твори́ти до́ма и҆зъ пле́вєлъ! А҆́зъ же по неразꙋ́мїю моемꙋ̀ сотвори́хъ сїѐ, и҆ чесо̀ ви́ждꙋ и҆ ка́мѡ грѧдꙋ̀ ны́нѣ;"
Ѹ҆жѐ ѿве́рзшꙋ во́лкꙋ па́сть свою̀ на прасѧ̀, потечѐ ѻ҆́ный сви́нъ въ предѣ́лъ бра́та своегѡ̀ На́фъ-На́фа, и҆ во́лкъ гна́ше є҆го̀ съ за́жди. И҆ воста̀ На́фъ-На́фъ ѿ ло́жа своегѡ̀, ꙗ҆́кѡ ѹ҆слы́ша толкꙋ́ща бра́та, ѿве́рзе. Вше́дъ же въ го́рницꙋ, возгласѝ Ни́фъ-Ни́фъ гла́сомъ ве́лїимъ: "Ѹ҆вы̀ мнѣ̀! Ꙗ҆́кѡ во́лкъ лꙋка́вый прише́дъ, разорѝ и҆мѣ́нїе моѐ плеве́льное и҆ ны́нѣ грѧде́тъ по мнѣ̀, и҆ща̀ пожра́ти мѧ̀!" И҆ речѐ є҆мꙋ̀ На́фъ-На́фъ: "Прише́лъ ты̀ є҆сѝ ко мнѣ̀ погꙋби́ти и҆ мѧ̀ съ собо́ю; Но не ѹ҆жаса́йсѧ же, ꙗ҆́кѡ нѣ́сть и҆зъ пле́вєлъ до́мъ мо́й и҆ не возмо́жетъ во́лкъ здѣ̀ ꙗ҆́ти ны̀".
Є҆ще́ же глаго́лющема и҆́ма, прїи́де во́лкъ, грѧды́й въ слѣ́дъ Нифъ-Нифа, ѡ҆брѣ́те до́мъ, и҆зъ хвра́стїѧ сло́женъ. И҆ разꙋмѣ̀, ꙗ҆́кѡ два̀ прасѧ́тꙋ сокрыва́ютсѧ въ не́мъ, па́че ѡ҆ѕло́бисѧ и҆ взалка̀, дхнꙋ̀ ѕѣлѡ̀ на до́мъ и҆зъ хвра́стїѧ, и҆ пошатнꙋ́сѧ то́тъ. И҆ дхнꙋ̀ па́ки, и҆ сотрѧсо́шасѧ стѣ̑ны, и҆ рꙋхнꙋ до́мъ, ꙗ҆́коже и҆ до́мъ Ни́фъ-Ни́фовъ. И҆ ѡ҆б̾ѧ́тъ стра́хъ ве́лїй сви́нїи та, и҆ и҆злѣзо́ста и҆зъ хврастѧ́на до́ма, бѣжа́ста ѿ во́лка въ предѣ́лъ Нꙋ́фъ-Нꙋ́фовъ, весьма̀ вопѧ́ста, и҆ хрюка́ста, ꙗ҆́кѡ сви́нїи бѣ́ста.
Ѹ҆слы́ша Нꙋ́фъ-Нꙋ́фъ шꙋ́мъ, є҆го́же ѹ҆стро́и бра́тїѧ є҆гѡ̀ бѣгꙋ́щїи, и҆зы́де во срѣ́тенїе и҆́ма. ѕѣлѡ̀ ѹ҆жаснꙋ́сѧ и҆ речѐ: "Чесѡ̀ ѹ҆́бѡ неподо́бное твори́та; Є҆ста̀ ли вы бꙋйи, да бѣжи́та ѿ во́лка; До́лжнѡ ва́ма сидѣ́ти въ дома́хъ ва́шихъ, є҆гда̀ прїи́детъ во́лкъ!" Ѻ҆на̑ же ѿвѣща́ста є҆мꙋ̀: "Не ѻ҆гради́ста ны до́мы на́шѧ ѿ во́лка, разрꙋ́шистасѧ! Бѣ́гство сотвори́ста и҆ си́лъ ѹ҆жѐ не и҆́мата сокрыва́тисѧ ѿ негѡ̀". И҆ речѐ Нꙋ́фъ-Нꙋ́фъ: "Вни́дете же по́дъ кро́въ до́ма моего̀!".
Внегда́ же внидо́ша сви́нїи въ до́мъ и҆ затвори́шасѧ двє́ри до́ма Нꙋ́фъ-Нꙋ́фова, прїи́де къ до́мꙋ во́лкъ, взалка́въ ѕѣлѡ̀, ꙗ҆́рости преиспо́лненъ: "Жела́ю пожра́ти прасе́й си́хъ!" Не размышлѧ́ше въ себѣ̀, ꙗ҆́кѡ до́мъ се́й и҆зъ ка́менїй сло́женъ, дхнꙋ̀ на него̀, и҆ ничесо́же бы́сть стѣна́мъ до́ма. Во́лкъ возгласѝ: "Па́ки и҆ па́ки дхнꙋ̀!"
Разꙋмѣ̀ же, ꙗ҆́кѡ не та́кѡ подоба́етъ поима́ти прасѧ́тъ, въ до́ме се́мъ таѧ́щихсѧ, влѣ́зе на кро́влю до́мꙋ сегѡ̀, мнѧ́ше проле́зти въ дымохо́дъ пе́щи ѻ҆́гненныѧ, ю҆́же ѹ҆стро́и Нꙋ́фъ-Нꙋ́фъ въ до́мꙋ свое́мъ да согрѣ́етъ та всѧ̑ бли́жнѧѧ є҆гѡ̀. И҆ ѹ҆слы́шаша прасѧ́та - Во́лкъ, ꙗ҆́кѡ ѕмі́й полѣ́зе въ дымохо́дъ! И҆ сотвори́ша ѻ҆ча́гъ въ пе́щи, и҆ ѻ҆́гнь возгорѣ́всѧ, ѹ҆морѝ во́лка, то́й бо просꙋ́нꙋ но́съ сво́й въ пе́щь и҆ застрѧ̀, ꙗ҆́кѡ Ви́нїй Пꙋ́хъ. И҆ воскли́кнꙋша сви́нїи: "Бѣ̀ же во́лкъ ѕѣлѡ̀ ѹ҆пита́нъ!"
И҆ возра́довашасѧ сви́нїи ѡ҆бъ и҆збавле́нїи ѿ во́лка хи́щна, и҆ воспѣ́ша пѣ́снь, и҆ взыгра́ша въ тѷмпа̑ны и҆ гꙋ̑сли!