Священная история Ветхого и Нового завета (1880)/В/Ветхий/50
| ←49-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 50-це глава. |
51-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 67 |
50. Даніилъ пророкъ марто Ананія, Азарія, Мисаилъ лемсэ колмо одъ цёрадо.
Навуходоносоръ Іудейтнень партъ родтне эйстэ одтъ цёринеть саезь Вавилононь мудростентень тонавтомостъ мерсь. Сонъ сынстъ эсензэ симекстэнзэ симдеместъ, эсензэ ярсамкстонзо андомостъ мерсь. Сеть цёринетнень ютксостъ Даніилъ, Ананія, Азарія, Мисаилъ лемсэ цёринеть ульнесть. Сынь ниленескъ идолнэнь сюкунякшниця инязоронь тантей симекстэнзэ, тантей ярсамкстонзо эзть симть, эзть ярсакъ. Сынь эсь прястъ трясть аньсякъ умарсэ да ягудасо. Сынь ниленескъ Пазонь пекъ вечкиця ломать ульнесть. Сынстъ мельга якиця прявтостъ икеле инязоронь симекстэнть, ярсамкстонть симеме, ярсамо кармавтлесь эйсэстъ: «сынь аньсякъ умарь марто ягудадо ярсазь пекъ беряньгадыть», думась сонъ. Сонъ тенстъ кемень чить аньсякъ умарь марто ягудадо прястъ трямо оля максь. Сонъ неть кемень читнеде мейле ваны сынь эзть беряньгадтъ, а аламодо куялгадомо кармасть. Теде мейле прявтостъ «ино мезьде бажатадо, седе ярсадо», мерсь тенстъ. Пазъ сынянстъ эсензэ истя вечкемастъ кисъ весемеде ламо превть максь, весемеде ламо содыцяксъ теинзе. Сынстъ весе ялгатнеде превей улемастъ кисъ инязоро покшъ начальникексъ путынзе, а Даніилонь мудрецтнэнь (учонойтнень) лангсъ покшъ прявтоксъ путызе.