Священная история Ветхого и Нового завета (1880)/В/Ветхий/02
| ←1-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 2-це глава. |
3-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 4—5 |
2. Ломанень теемадо.
Пазъ «тейдянокъ», мери, «Эсенекъ ёновъ молиця, Эсенекъ коньдямо ламань. Сонъ весе ведсэ эрицятненень, весе нармоньтненень, масторъ лангсо скотинатненень, звѣртненень прявтоксъ, кудазороксъ улезэ». Пазъ васенсе ломанень, Адамонь, тѣланзо сёвоньстэ теизе да потмозонзо акулыця ойме пувазь совавсь Пазъ Адамонь райсэ эрямо кармавтызе. Едемсэ пекъ вадря Пазонь Сонсензэ озавтъ садъ ульнесь; се садтонть пекь вадря улеманзо кувалтъ рай мерить. Мейле Пазъ Адамнэнь весе скотинатнень, звѣрьтнень ветсинзе; Адамъ тенстъ лемть путнесь. Адамъ сынстъ юткстостъ эстензэ ялгаксъ киньгакъ эзь мукъ. Пазъ ваны ломаннень ськамонстэнь эрямсъ а ёнъ. «Эсензе кондямо ялга», мери, «эряви тензе». Пазъ Адамонь кеместэ матидевтизе. Адамъ матидевсь. Удомстонзо Пазъ саизе сонзо ве ирдезэнзэ да эстэнзэ тензэ посублиця, козяйка([1]) тейсь; Ева лемъ тензэ путсь. Кода Адамъ сыргойсь, Пазъ ветизе тензэ Евань. Сонъ Евань неизе да «те», мери, «эсь ловажастомъ ловажась, эсь тѣластомъ те тѣлась; сонъ мирдензэ ирдейстэ теевеманзо кувалтъ козяйкаксъ ули тензэ». Вана тень кувалтъ ломань тятянзо, аванзо каднэсы да эсь козяйканзо марто васодезь кавто тѣлатне вейкексъ велявтыть. Пазъ ломатнень атятъ бабатъ баславинзе да мерсь тенстъ: «эйкакштъ шачтозь кастодо, раштазь весе масторонть пештеде; ведсэтненень, ведь [ 5 ]лангсотненень, масторсотненень, масторъ лангсотненень правтоксъ уледе. Эрва кодамо сюронь, эрва кодамо видьме марто тикшень ведьстензэ ярсадо; эрва кодамо умарь кастыця чувтнэнь умарьдестъ ярсадо».
- ↑ (*) Ни.