Священная история Ветхого завета (мокшень)/О/17
| ←16. Иаковонь куцемань няемац. | Священная история Ветхого завета на Мокшанском наречии Мордовского языка (1900) by 17-це главась. |
18. Иаковть иденза.→ |
| Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 20—21 |
17. Иаков Лаванонь пяле.
Иаков Лаванонь пяле эрясь комсь киза. Лаванть кафта стирензоль, оцють лемоцоль Лия, а ёмлать Рахиль. Рахильсь Лияда мазыель, дъ цебярель. Иаковть мяльс тусь Рахильсь. Сон Рахильть инкса вантсь Лаванти сисем кизот учат. Лавансь васькафтозь максозе теенза Лиять. Иаковсь нинге сисем кизот вантсь Лаванти учат, дъ сявозе Рахильтьке. Тяда меле Иаковсь эрясь Лаванть пяле нинге кота кизот питнеда. Лавансь пандсь теенза питне жуватаса. Шкайсь благословиндазе Иаковть; сонь ня кота кизотнень ётамс жуватадонза раштась Лаванда лама. Лавансь ушедсь сельмонь каяма Иаковть лангс. Эста Иаковсь кочказе сембе паршиенц, сявозень ърьвянзон, идензон дъ сембе жуватанзон, дъ тусь алянц пяли. Ки лангса сон кулезе, каршезонза сай Исавсь-брадоц, ниле сядт ломань мархта. Иаковсь эводсь; сон эстокиге кочказень сембода цебярьхнень жуватанзон эзда, дъ кучезень Исавти казненди. Къда пачкодсь Иаковсь Иорданти, явозе семиянц дъ жуватанзон пачк дъ ётафтозень Иорданть ом-бокс, а сонць илядсь сяка боку. Веть сась теенза кати кодама ломань, дъ кармась мархтонза бароцякшнеме, бароцякшнесь сонь мархтонза шобдавас, дъ веляфтозе пильгонц; мадомда инголе, бароцяй ломансь благословиндазе Иаковть, дъ мярьгсь тенза: тяни тонь лемце ули аф Иаков, а Израиль (мокшекс — Шкайть мархта бароцяй); тон сонцень Шкайть мархта бароцять. Шобдава Иаковсь васьфтезе Исавть. Исавсь кенярдсь брадонцти, палазе сонь дъ мирэндась мархтонза. Иаковсь тусь алянц пяли, а Исавсь эсь ширезонза. Иаковть родонцти мярьгихть Израильхт, а Исавть — Идумейхт.