Священная история Ветхого завета (мокшень)/О/08
8. Нойть иденза.
Нойть колмоль цёранза: Сим, Хам дъ Иафет. Хамсь афолезе кулхцонда алянц. Потопада меле Нойсь озафтсь винаграднек. Кода винаградсь кенерсь, Нойсь весть лама симсь винаградонь сокта дъ иредсь; сон ашезе сода, што виноградонь сокть эзда иредят. Симомда меле, Ной мадсь кошезонза. Удомста штась сонь лангоц. Хамсь няезе алянц апак вельхтяк теланц дъ пеедсь лангозонза. Сальде азондсь алянц кувалмова брадонзонди, сон арьсесь, синьге кармайхть пеедькшнема аляснон лангс. А брадонза сявсть вельхтяма пяль, сувасть потазь кошть потмос, дъ вельхтязь аляснон. Стямда меле Нойсь содазе, кода пеедсь лангозонза Хамсь, дъ сюдозе сонь, а Симть дъ Иафетть баславиндазень. Хамть эзда шачсть аф цебярь ломатть, синь лемсна хананейхт.