Священная история Ветхого завета (мокшень)/О/03

From Wikisource
Jump to navigation Jump to search
Священная история Ветхого завета на Мокшанском наречии Мордовского языка  (1900)  by Евсевьев, Макар Евсевьевич
3-це главась.
Священная история Ветхого завета на Мокшанском наречии Мордовского языка. Издание Православного Миссионерского Общества. — Казань, типо-литография Императорского университета, 1900. — с. 4—5

3. Адам мархта Евань Райса эряфсна.

Адам мархта Евань Райса эряфсна пяк цебярель: Сонць Шкайсь эрь шиня сашендсь Раи, синь мархтост корхтама; синь кодамовок грехсна ашель, куломадонга синь ашесть пель: райть кучкаса ульсь шуфта, сонь лемоцоль эряма шуфта; кие ярхцаль ся шуфтть марьдонза, ся мъзярдонга афоль кула, дъ мъзярдонга афоль урмаськатшне. Ульсь райть эса иля шуфтовок, конань лемоцоль: цебярень, дъ аф-цебярень содама шуфта. Ся шуфтть кувалмова Шкайсь Адамонди дъ Еванди мярьгсь: тинь сембе марлюфнень эзда ярхцада марьда, а тя шуфтть марьдонза тяда ярхца, кодак тинь сонь марьдонза сусктада, эстокиге кулотада. Адам мархта Евась аф ламос кирдезь Шкайть валонзон, синь сусксть марьда ся шуфтть эзда, конань эзда Шкайсь ашезь мярьге теест ярхцамда.