Священная история Ветхого завета (мокшень)/О/01

by Евсевьев, Макар Евсевьевич

1. Масторть тиемац.

 

Сембе масторть Шкайсь тиезе кота шиста, аш мезьстонга, фкя валонь азозь: улеза.

Васенце шиста Шкайсь тиезе валдоть.

Омбоце шиста Шкайсь тиезе менельть.

Колмоце шиста Шкайсь явфтозе ведть модать эзда, дъ мярьгсь модати сембе шуфттнень, дъ сембе тишетнень касфтомда.

Нилеце шиста Шкайсь тиезень: шить, ковть дъ тяшттнень.

Ветеце шиста Шкайсь тиезень калхтнень дъ нармоттнень.

Котоце шиста Шкайсь тиезень сембе зверьхтнень, дъ жувататнень, а сембода меле тиезе ломанть.

Сисемце шиста Шкайсь лоткась тиемда, мезьге ни ашезь ти. Тя шити Еврейкс мярьгихть Суббота, а мокшекс субботась ваймама ши (ёткши).