Санян Вачи - Канде ӱжара

From Wikisource
Jump to navigation Jump to search
Канде ӱжара
Санян Вачи йоҥгалтара


Мутшо Василий Пектеевын (Санян Вачи)
Семже Татьяна Ямбердован




Канде ӱжараште йӱксӧ йӱштылеш,
Ош кава пундаш гыч тылзе шыргыжеш.
Чызе шӧр ден руштын, папалта ньога,
Оҥ шепка гыч нӧлтын, муро сем йоҥга.

Авалтен шӱм-чоным,
Шортын мурыкта.
Тиде Шочмо мланде
Ӱжын ужата.

Ломбо, шӱшпык, тӱмыр, ший йӱкан гармонь,
Ӱдыр ялтак кӱдыр, порсын ярым - чон.
Каче - ялт шурмаҥше, кечыйол - шинча,
Пералта кӱслежым, мондыкта тӱнчам.
   
Припев

Йошкарген кас кече - ерыште иеш,
Сокыр пӧрт воктене шкет кува шортеш.
Ломбо укшын чалже чоным кылмыкта,
Шӱшпыкын солаже тумым раскалта.

Авалтен шӱм-чоным,
Шортын мурыкта.
Тиде Шочмо мланде
Ӱжын ужата.

Тыгак ончо[edit]