Салтак çырăвĕ
| Салтак çырăвĕ (1913) by |
| Хайланă дата: 1913, Пичетленĕ çул: 1913. Çăлкуç: Вула Чăвашла |
Атте, анне, сире
Раштав çитнĕ çĕре
Яратăп эпĕ салам.
Пичче, инке, итлĕр:
Салам манран эсĕр
Ку çырура ан кĕтĕр.
Ман мăшăрăм – арăм,
Сана прахса карăм
Çулталăкран салтака.
Сана эпĕ юратса,
Хам сăнăма ÿкерсе
Çак çырупа яратăп.
Манăн чĕппĕм – ульăм,
Чунтан савнă ачам,
Эпĕ сана ялан
Асăнатăп, Иван.
Унтан тата манран
Мĕтри кума салам,
Килне кайсах калăр.
Мана çыру ятăр.
Ун арăмне Мархвана,
Манăн савнă кумана,
Иккĕшне те калам
Эп вĕсене салам
Тата эпĕ калап:
Манăн мĕнпур халап –
Сире салам ярасси
Хăçан пулĕ курасси?
Манăн савнă хунĕме
Ашшĕне иккĕшне,
Хуньăкампа инкене
Салам ярап пурне те.
Пултăрăма Ильене
Арăмĕпе иккĕшне
Салам ярап юратса.
Шур хут çине çыртарса.
Тата сана, пуçана,
Арăмна та – Аннапа,
Сирĕн хĕре Уляна
Ывăлăра Ваççана –
Çемйииелсх пурне те
Салам ярап сире те.
Аслă аккам Акахви,
Савнă йыснам Ярахви,
Эпĕ сире кучченеç
Парса ярап – çут хĕрес.
Хамăн савнă йăмăка,
Эпĕ сана. Çаптаркка,
Салам ярап юратса,
Укçа парса çыртарса.
Тата эпĕ, ĕмпичче,
Çак çыру çинче
Инкепеле иксĕре.
Сирĕп мĕнпур çемйĕре,
Сире тата, мăнакка,
Йыснапала иксĕре,
Мĕнпур ачăр-пăчăра
Пĕр хут çине çыртарса,
Чунăм питĕ кайнăран
Пурсăра та пĕр çĕре
Салам ярам салтакран –
Хусан ятлă хуларан.
Шăллăм манăн Хĕветĕр,
Сана пĕччен пит хĕн-тĕр?
Ялта пур-тăр хитре хĕр,
Çул та санăн çитет-тĕр?
Хăвăн кăмăл пулсассăн.
Атте, анне хушсассăн,
Авлан, шăллăм Хĕветĕр,
Çул та кăçал питĕ кĕр.
Атте, анне, эсĕр те
Хветĕр чармасть пулсассăн,
Хĕр еплине пĕлсессĕн,
Укçăрсене ан шеллĕр,
Ман сăмаха итлĕр те
Манăн кĕçĕн шăллăма
Илсе парăр Куляна
Пĕрне-пĕри юратса
Ĕмĕр пĕрле пурăнма.
Туйне тума çуллана
Çимĕк тĕлне уява
Пырса çитĕп эпĕ те –
Ура хуçса ташлама.
Акă эпĕ салтакра
Хусан ятлă хулара
Виççĕмĕш çул тăратап,
Сире салам яратăп.
Ку çыруран сыв юлап
Сире те сывлăх сунатăп.
Сыв пулăр та пур пулăр,
Пурте ман пек ан пулăр!
Ку çырăва илсен,
Ман хыпара пĕлсен,
Хирĕç ярăр хăвăртрах.
Хăвăр çинчен пĕлтерсе.
Сывлăхăра çыртарса.
Ку çырăва çыртарап
Вун иккĕмĕш числара.
Çак уйăхра тунти кун.
Сирĕн ачăр Ситриван.
1913
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1956 году, соответственно эта работа выйдет в России в общественное достояние в 2027 году.
The author died in 1956, so this work is also in the public domain in countries and areas (outside Russia) where the copyright term is the author's life plus 60 years or less. |