Сад пахчине лартрăм панулми...
| Сад пахчине лартрăм панулми... (1917) by |
| Хайланă дата: 1917, Пичетленĕ çул: 1917. Çăлкуç: chuvash.org |
Сад пахчине лартрăм панулми,
Улмишĕн мар, шурă çеçкишĕн!
Шăвартăм эп ăна ирхине,
Шăвартăм эп ăна каçхине!
«Кашла, кашла, тусăм, эх кашла!
Сана эп юратса суйларăм,
Пулах мана савăнтармалла,
Шăрăх кун сан айна эп ларам!»
Ӳсрĕ манăн йывăç сарăлса,
Сарлака çулçипе калаçса;
Çиччĕмĕш çул ларчĕ çеçкене,
Тепĕр çултан кӳчĕ улмине.
Иртсе çӳрекенсем курчĕç çеçкине,
Ял ачисем курчĕç улмине;
Чăтаймарĕç мĕскĕн ачисем —
Чечен улма çине уртăнчĕç.
Çеçки çине пăхни юрĕччĕ.
Уртăннипе йăлтах хупларĕç;
Улман турачĕсем хуçăлчĕç,
Ман куçăмсем ăна курайрĕç...
Çемçе чĕрем лаштах çурăлчĕ,
Пуçăм ăнран кайса çаврăнчĕ,
Куçăмсем те тĕтреленчĕçĕ —
Хуйхă мана пусса антарчĕ.
Пĕчĕкрен пĕр хĕре юратрăм,
Ӳссен хамăн тăвасах терĕм —
Хурлăх чухне унпа калаçса
Мĕскĕн чуна пусарас тесе.
Ялти ачасем те ун çине
Хăйсен çамрăк куçне янине
Туяймарăм пулать, — ун çумне
Вĕсем çыпçăнмашкăн тытăнчĕç.
Ял ачисем кула пуçларĕç,
Тĕрлĕ усал халап илтĕнчĕ.
Чĕре çумне çавсем çыпçăнчĕç,
Пит-куçăма ват сăн çапăнчĕ.
Панулмишĕн асапланни те,
Тус туни те ахалех пулчĕ,
Шăрăхланчĕ çанталăкĕ те,
Ăшчик йăлтах хурлăхпа тулчĕ.
Мĕншĕн панулмине хуçрĕç-ши?
Ун сулхăнне ларса канăттăм;
Мĕншĕн савнă хĕре илчĕç-ши?
Ăшăма пусарнă пулăттăм.
1917, çĕртме уйăхĕ
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1942 году и был посмертно реабилитирован в 1956 году, соответственно эта работа выйдет в России в общественное достояние в 2027 году.
The author died in 1942, so this work is also in the public domain in countries and areas (outside Russia) where the copyright term is the author's life plus 80 years or less. |