Сæрд (Гæдиаты)

by Гæдиаты Секъа

Сæрд  (1912)  by Гæдиаты Секъа

Фыст датæ: 1912, Рауагъ аз: 1912. Равзæрæн: Гæдиаты Секъа. Уацмыстæ. Дзæуджыхъæу : Ир, 1991

СÆРД

Тагъддæр-тагъддæр зæхх ыстæвди,
Бæлæстæ 'фтауынц сыфтæр.
Хæхты-быдырты фæсæрди,
Кусын райдыдта бындз дæр.

Мæргътæ зарынц, бæстæ нæрсы,
Дæттæ кæнынц уылæнтæ.
Урс цъити хох хурæй тæрсы,
Цæгат кæны хъулæттæ.

Мит рынчын у, зымæг хъæрзы,
Сæрд райдыдта бæрæгбон,
Дымгæ мигътæ дардмæ хæссы, —
Цард нун æрцыд уæларвон.

Сæрибар дуг, царды бартæ
Сæрд равдыста йæ хæрзтæй.
Басур сты ихджын малтæ,
Зымæг кæуы фырмæстæй.

---