Руч дозмуккӧд
Jump to navigation
Jump to search
| Руч дозмуккӧд (1889) by |
| Гижан кад: 1889, Йӧзӧдан во: 1889. Ӧшмӧс: Зырянский край при епископах пермских и зырянский язык : пособие при изучении зырянами русского языка / сост. Г. С. Лыткин. - Санктпетербург, 1889. |
Энь петіс ыб вылӧ вундыны, йӧла дозмук дзебис идз сайӧ. Руч кыйӧдчис дозмук дорӧ, сы пытшкӧ юрсӧ сюйыштіс, йӧв юис; сылы гортӧ мунны кад нин, сӧмын шог кутӧ — дозмукысь юрсӧ кыскыны оз вермы. Руч ветлӧ-мунӧ, юрнас чӧвтӧ ӧтарӧ-мӧдарӧ, шуӧ: «Дозмукӧй, сералін нин, тырмас, лэдз менӧ, дозмукӧй! Тырмас тэныд, мусаӧй, серавны — ворсыштін, тырмас». Дозмук оз кольччы, колӧ кӧ, оз кӧ. Руч лӧгасис: «Сулав тэ, ёрӧмаӧй! Бурӧн кӧ он кольччы, тэнӧ ме вӧйтӧда». Руч котӧртіс шор дорӧ, пондіс вӧйтӧдны дозмук. Дозмук вӧйны тай вӧйис, сӧмын ручӧс ас бӧрсянь кыскис.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse