Пӧрысь олӧм
| Пӧрысь олӧм (1951) by |
| Йӧзӧдан во: 1951. Ӧшмӧс: И. А. Куратов. Бӧрйӧм гижӧдъяс. Сыктывкар: Коми Госиздат, 1951. |
Ӧшинь увтас пӧрысь петас,
Шонді вылын кӧдздӧм лысӧ
Шондӧ, дзуглясьӧ — и сетас
Сӧмын меліджыклы шысӧ.
— Видза олан! — «Ола вывті.
Арлыд, муса вердӧм, ӧкмис;
Ачым аддза нин, мый вӧйма…
Ӧкмысдас да содты ӧкмыс!
Арлыд серти лы-сьӧм ён на;—
Да зэв гажтӧм. Меным вӧліс
Сӧмын кӧкъямысдас, кодыр
Мӧдысь гӧтрасьны поп ӧліс.
Аркирей пӧ вичко дорын —
Нуӧдісны менӧ. Сійӧ
Вӧліс том и небыдика
Шуис: «Этша сёрмин, пиӧ».
Паныд шыаси ме сылы:
«Ыджыд батьӧ — ыджыд мывкыд!
Гашкӧ, чайтад: горшася ме
Дона козин вылӧ нывкӧд?
Ой, мем оз ков ныв ни козин,
Меным колӧ пӧрысь пӧчӧ,
Коді ме моз дзугыль, ӧтка,
Кодлы ортыс горт нин вӧчӧ…
Воськовті ме мортнэм сайӧ;
Абу ме кодьӧсь ті; пельтӧм,
Синтӧм, кывтӧм, жеб мем колӧ,
Мед и ме ог ло артельтӧм.
Кӧть и сёрнинымӧс сыкӧд
Морта-мортлысь ог нин кылӧ,
Пыр жӧ асьнымӧс ми тӧдам,
Видзӧдлывлам ас кодь вылӧ.
Ас кодьтӧ корсь йӧзысь, шуад, —
Сійӧ йӧз, оз пыр ло дінын,
Вердны колӧ, шуад, ассӧ —
Дасьтӧм, мыйкӧ уджавлі нін!»
Аркирей сэк шмыньялігӧн:
— Гӧгӧрвоа сёрни воклысь;
Иерейныд сӧмын пӧрысь,
Сы паныд ме шуны ог лысьт. —
Мый эз лӧсьӧдны, оз вежны!
Бергӧдчӧм мысьт тай ас грездӧ,
Аддзи: ичмоньпуӧй кулӧм…
Ӧні он нин шогысь мездӧ!
Медбӧръя морт колис менӧ!
Ангелъяс ті, томъяс, олӧ.
И эн вунӧдыштӧ, дзебны
Менӧ недыр мысьт ті волӧ!»
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
The author died in 1875, so this work is also in the public domain in other countries and areas where the copyright term is the author's life plus 148 years or less (if applicable), or the copyright term is 72 years or less since publication for posthumous works (if applicable).
Public domainPublic domainfalsefalse