Колхозонь эряф/1933/02/Пролетарскай писательти А. С. Серафимовичти

←СССР-онь и РСФСР-онь совецкай писателень союзонь оргкомитетть парарьсемац.

Колхозонь эряф (1933), 2 (46) № январь edited by Шестов Н. С., Порватов Т. М. Пролетарскай писательти А. С. Серафимовичти

Ульхть ударник!→

Колхозонь эряф (Колхозная жизнь). Мокшонь литературно-художественнай журнал. Нолдаец ВКП(б)-нь обкомсь, облисполкомсь и облпрофсовець. Лисенди ковти кафксть. — 2 (46) № январь, 1933 к. — с. 3

 

Пролетарскай  писательти~А.  С.  Серафимо-
вичти

 

Тонь сизьгемонь кизонь годовщинастот кучтама тейть Александр Серафимович — большевиконь параарьсема. Тонь пяк оцю художества мархта произведениятнень оцю мяльса лувонцазь лама лама миллион трудяй ломань, конатнень эса тон пяк цебярьста няфтийть сянь, кода эряви тюремс пролетарскай диктатурать инкса.

Тон, кельгоме Серафимович ялга, эсь васеньце произведениястот кигя ушодоть служама, служать и тяниенгя служат революционнай тевти. Тонь произведениятнень коряс тонафнихть минь мокшонь писательнекя, конат ушецть кеподема мокшонь культурать эса пролетарскай содержанияса и национальнай формаса,

Минь арьсетяма тейть ниньгя дага лама лама киза творческай работаса сембе трудяй ломаттнень йоткса коммунистическай воспитаниянь вятемаса.

Дага весть арьсетяма тейть пара-Серафимович ялга!

„Колхозонь эряф“ журналть редакцияц⁠