Од пингень вий/Представительть... ды аволь неть

From Wikisource
Jump to navigation Jump to search
Представительть... ды аволь неть  (1934) 
by Раптанов, Тимофей Алексеевич, edited by Арапов И.
Т. А. Раптанов. Од пингень вий. Ёвтнемат ды очеркт. — Художественной литературань государственной издательствась, Москов, Ленинград, 1934. — с. 104—108
[ 104 ]

ПРЕДСТАВИТЕЛЬТЬ... ДЫ АВОЛЬ НЕТЬ

Оконики манейгадсь. Ковось прок сырнень ал кевери менельганть.

[ 105 ]Гурьянов ды Антипкин чиить ульцяванть, сулеест прок раужо столбат чавовить кудотненень.

Не кавто ломатне прок алкукс сэтьме вень представительть. Злыдардить вень сетьмеванть, судо варяст прок суслик варят лексить кельме кошссонть

Друк кавонест ёматотсть Алякинэнь кудыкелей, прок нилинзе чопода коштось кудыкельксэнтень.

Цивтирк, ожо чаманзо невтизе толось вальмаванть.

— Тынь мезть вень куншкава якатадо? — удоманзо пачк кармась кортамо Ефим Павлович.
Не кавто злыдартне озасть столь пентень.

— Аштек ужо, иля машнете, — кармась кортамо Гурьянов. — Эсинк мельс зярдояк а ледни, а думазевдядо, што развёрстка велентень сась.

— Аволь алкукс мезеяк кармить саеме? — удоманзояк сезине Яхим баба. Весе лаказемсь сывелезэ.

— Скалт кармить пурнамо. Ванат, минек выдвинули комиссияс, — турвань нолдазь кортась Антипкин, пря шнась эсинзэ чинэнзэ эйсэ.

Гурьянов ды Антипкин кавонест вельсоветэнь члент. Пря потмосост буря кепететсь.

— Минек чей эзь понг саемс? — нусманясто кевкстизе авась.

Алякин аштесь прянь нолдазь. Ужаясь ломанесь. А соды мезть тейнемс, а соды мейсь састь не ломантне, а соды мезть мартост кортамс.

— Трантарары!.. — сельгсь Алякин. — Неушто истя мери Сталин? Неушто истя теи Советэнь [ 106 ]властесь? Осподи, кормилец, спаситель... Кодат порядкат тусть масторлангс. Учотано седе вадря, сон вана чиде-чис седеяк берянь...

— Яхимкай, мик а кемевияк, — пшкадсь авась.

— Ванта, аля, омбо велесэ колхозт люба-мила лангозост ваномс ды мелест ули яла мезень бути строямс. Сыненст покшт льготат. Минек, сердешной, велесэнть сисемь-кавксо кудот колхозсонть. Арсень совамо, паряк, мерян, порядка теить. Теде мейле уш а сован, а сован, а сован. Анафим проклит улезе ды тозоньгак илязо пекста!

— Иля пек шума, — кармась кортамо Гурьянов. — Колхозсо, нама, вадрянть а нейсак, тантей пиштя а сэват. Иля сова. Мон куш колхозсан, но монь тевем лията...

— Тонтькак покордатан. Куш саст кежеть, куш иляст. Меляяк вейкеяк чи эзить робота, колхозось сюро тенть макссь. Теде мейле, кода мон сован колхозс, мейсь карман лангозот роботамо? Куш бедноят, эсинек ялгат, яла теке севестеть поза марто глохник. — Яхим баба кортась стамбарнэ, но валтнэ педясть прок клейс конёв. Гурьянов кортамонзояк эзизе прядт, авась керязь-керизе валонзо. Гурьянов а ламос сускизе келензэ.

— Тевесь аволь минек эйсэ, — прянь чаравтнезь кармась кортамо Антипкин. — Яхим Павлович, сайть вейке литровка, валске жо тейсынек, скалось ули тонть. Мезть машнитядо?

— Я, те можна? — пелезь кевкстизе авась.

— Татарось кода мерсь: «Закун туптать нильзя, обхадить та мужна», — Антипкин пейдезь [ 107 ]ёвтынзе не валтнэнь. Авась панжизе горбиянзо. Паця уголсо ульнесь колмо целковойть ярмаконзо, венстинзе Яхимнень. Яхим а мельсэ сювордызе коморонзо. Ансяк туеме, бабась комась пилезензэ ды тошки:

— Ванат, мезть тейнить правительтне...

— А-а-а... — яходьсь кедсэнзэ Яхим ды лиссь винань вешнеме.

— Мирон Иваныч! А Мирон Иваныч! — Яхим стуки вальмантень. Мирон кепедизе прянзо. Яхимень сулеесь прок чапансо вельтизе вальманть.

— Тон мезть якат?

— Арась винат а ламнешка?

— Арась, аля.

— Ну дай петишка ярмак?

— Ярмакомгак трёшникак арась. Мейсь тенть вень шкасто?

— Представительть тень састь.

— Кодат представительть?

— Представительть эрить сякойть... — Теке марто Яхим тусь вальманть алдо вина вешнеме куринкаванть.

А ойми седеезэ Мирононь, кодаяк а матедеви. Боказонзо пуворькст эль теевить. Велявтни коник лангсо, мештсь терпениязо, стясь ды тусь.

— Молян вансынь, кить ломантне, — салава эстензэ корты Мирон.

Вансы столь экшсэнть нюргить Гурьянов ды Антипкин. Сынст чамаст палсть зорякс. Мирон содась, што меньгак разверстка арась.

[ 108 ]— Алкокс сякойть эрить «представительть». — Мирон яла тошкас эстензэ.