Поръялоз, поръялоз

Поръялоз, поръялоз… Калык кырӟан

Источник: Кенеш : журнал. — 2014. — № 5—6. — 9-тӥ бам.

Поръялоз, поръялоз…

Поръялоз, поръялоз
Ворпо-чибор душесэд.
Со душес кызьы поръя,
Мынам сюлмы сыӵе ик.

Поръялоз, поръялоз
Вало дор но кожъёсыд.
Со кожед кызьы поръя,
Мынам кӧты сыӵе ик.

«Ой, кӧты!» — шуисько ке,
Кӧтлэн пумаз ку вуод.
«Ой, сюлмы!» — шуисько ке,
Сюлэмлэн пумаз ку вуод.

Ой, уг лу поттыны
Толалтэ но сяськаез.
Ой, уг лу берыктыны
Ортчем пинал даурез.

---