Колхозонь эряф/1933/21-22/Питерень рабочайхнень, матроснень и солдаттнень азондомасна Октябрьскай революциять колга

From Wikisource
Jump to navigation Jump to search
Колхозонь эряф (1933), 21—22 № Ноябрь ков edited by Шестов Н. С., Путилин Н. М.
Питерень рабочайхнень, матроснень и солдаттнень азондомасна Октябрьскай революциять колга
Колхозонь эряф. Мокшень литературно-художественнай и общественно-политическай журнал. Нолдаец Сембе союзонь писателень Мокшэрзянь областень оргкомитетсь. Лисенди 6 це кизось эрь ковти кафксть. — 21—22 № Ноябрь ков 1933 киза. — с. 9—16
 
[9]
Питерень  рабочайхнень,  матроснень  и  солдат-
тнень  азондомасна  Октябрьскай  революциять
колга
 
Сире якстерьгварьдеецне, матросне и солдаттне — Октябрьскай боень участник- не — азонцазь 1917-це кизонь героическай шитнень, мзярда сявф зимняй дворецсь, конань эса мольфць заседание минис- теронь-капиталистонь правительствась, мзярда Ленинонь партияц пуропнезень массатнень пролетариатть диктатуранц инкса вороужоннай востанияти и вяць ру- ководства синь ланксост.
 

„Мезе тейнек эряви“

Петроград. Шаваши. Ноябрть 6 це шиц 1917-це киза.

„Рабочий путь“ большевиконь газетась, конац нолявсь июльскай шитнень эзда сьолкф „Правдать“ васц, лиссь 6-це ноябрьста тяфтяма передовой статья мархта: „мезе тейнек эряви?,“ конань сьрмадозе Сталин ялгась конац эста работась редакторкс партиять Центральнай органца.

Эряви — сьормаць Сталин ялгась тя передовойса — тяниень помещиконь и капиталистонь правительствать полафтомс рабочаень и сьора-видиень од правительстваса.

Эряви Кишкинонь—Коноваловонь правительстваснон полафтомс рабочай, солдатскай и сьора видиень депутатонь Советонь правительстваса“.

Тяка жа шиня, 6-це ноябрьста, Керенскайсь корхтась погромнай речь большевикнень каршесь Российскай республикань советса, али кода кярьгомс предпарламентса.

„День“ — меньшевиконь черносотенно-хулиганскай органць, кода и сембе буржуазнай печатць, 7-це ноябьста печатлась пяк оцю отчетт министер-председательть тя историческай мекольдень выступлениянц колга.

„Моньдине эряви ладямс временнай советть ингаля, Петербургонь эряйхнень известнай пяльксснонды полнай, явнай, определеннай состояние, кода востаниянь состояние (вайгяльхт види ширьде: учевоме“.) Тя юридическай квалификациять корясь, и мон мярьгонь сяда курок ушодомс эрявикс судебнай следствие. Мярькф васенда тиемс соответствующай арестт (протестт кяржи ширьдя) Да, да, кулхцондода, сяс мес тяниень пинкть, мзярда государствась ащи юмамать трваса, временнай правительствась и мон, сяда паронди лувонцаськ. сяда пара максомс прянеконь шавомс и машфтомс, но эряфть, честть и государствать независимостенцты предателькс аф аратама (вишкя и [10]ламос кялень цяпамат. Советонь сембе члеттне, интернационалистта башка, и публикась, конань йоткса лама военнайда стякшнихть васцост и тиендихть министерти-председательти вишкя авация)“.

Ленинць — Смольнайса

Эйно Рахьясь азонцы, што 6-це ноябьрста, мзярда кулевсть васеньце ляцемань вайгяльхне, сон ласьксь Леснои — Ленинонди.

— Ушочневи — корхтась теензо Ленин. — Смольнаи! Тяниба Смольнаи.

Рахьясь варжаксць вальмяти, панжезе форточкать и кармась кулхцондома. Ляцендемат сетьмоса. Трамвайхне якамода лоткасть.

Кочкасьть документт — кафта „пяшень“, аф маштозь чистендаф пропускт, кафта мандатт Смольнаи сувамс, кафта мандатт акша кагод ланса. Ушоць кенордазь маскировандама. Ленинць эряскофць. Рахьясь содондозе сонь щьоканц акша нуланяса. Рахьясь макссь теенза тя пингонди аноклаф зязентьф-нозонтф вайса ваденьф кепка

— Ну, кода, — кизефнесь Ильичь, — пара?

— Тип Пара.

— Аф содасамазь? Аде.

Ашемс кенерь пачкодемс ужетинге, кармась калдорфтома трамвайсь.

Озаме шава вагонц. Ленинць кизефнесы кондукторшать:

— Коза мольхтяда?

Кондукторшась, заботязь и эряскодозь ваны шобда кляньцнень ланкс и мезевок аф корхтай.

— Парку мольхтяда?

— Тят кашторда. Ульсь условие аф каштордомс, — саваланя корхтай Рахьясь.

— Ялгай, коза жа тон тяфта молят?; — кизефнезе кондукторшать Ленин.

— Парку, — кяжиста отвецясь кондукторшась мекпяли.

— А местемя?

— А тон кият тяфтамс?

— Рабочяй.

— Коста тон тяфтамсь мувоть?., Рабочай! Коза мольхтяда! Местеме мольхтяда! Али аф содасак мезе тиендеви?

Боткинскай и Нижегородскай ульцятнень ужеса Ильичсь и Рахьясь валксть трамвайста, вагонць шарфць паркть шири. Курокста няевсь тол потмоса — Литейнай седсь. Салдат и якстерьгвардеец ащесть седьть ваксса.

Йотаме седьть туркс. Кувалгаць анок кувака и шовда (сумрачнай) Шпалернайсь. Ульцясь ульсь шава. Ичкозьде марявсть ляцендемат. Ласьтя ардозь йотасьть ваксканок артиллерийскай училищань кафта юнкерхт. Рахьясь варжаксць — юнкерхне фкя фкя мархта корхтасть.

— Молхть инголи кда мезе, — салава мярьксь Рахьясь, — няфтк пряцень кода бта ирецтат.

Юнкерхне тянь шовор арцть ни Рахьять малас.

— Пропус?.. Ко о-дама про пуск?

Рахьясь, кода бта, кармась сялондома юнкерхнинь мархта. Сон тонгозень кафьцьке кядензон зепованза и афламода мятярьць. Сон ширем сельмот ванонць шири. Ленинць тусь. Ряхьясь кармась варчсемя зепсонза кафта револьверхнень. „Кда тяряфтыхть сявомс Ленинтть, карман ляцендеме синь копорезост“.

— Да, ну сонь, — мярьксь фкя юнкерс, — аф няйсак штоли? Ирецта. Макст теенза весть.

Юнкерхне шпораснон мархта токазь алашаснон бокти и тусть ардозь.

Шпалернай ульцясь аделавсь. Валдомсь лама толса Смольнайсь. Оцю талпа, колонатнень ваксса, шумнась, спорьсесь, возмутиндакшнесть. Кода няевсь, пропускне ульсть полафтфт. Акшетне аф действительнайхть, мярькф нолямода аньцек якстерь пропускнень коряс. Ленин и Рахьясь варжаксцть фкя фкянь ланкс: синь тяфта жа ульсть аньцек акша пропусксна.

— Мезень тя тяфтама безобразие! Тя кинь распоряжениянц коряс? — Рахьясь ивачнесь и шукиезе соньцень аф видекс пропусконц. — Кода тинь тяфта монь аф нолдасамасть? — сон яцьсесь инголи мяштенц мархта и тозорязе Ленинонь мярьгоньць теенза молимода сонь мельганза, толпась кирьнезе сонь ширенц, — мон делегатан, а тинь аф нолясамасть кодама бди дураконь...

Валоц ашезь эряв шумордамска. Толпась эцьсесь и сувасть и мархтост сувафтозь потму Ильичтька. Владимир Ильчсь рахсесь, омбоце этажти куцемста. “Коса миньнесь аф сяви“ — ювачнесь сон. Куцеме вяри, актовай залть маласа комнатати, коса арсефоль пуромомс советонь II це с‘ездти.

— Рахья, — мярьксь Ленин, — мон [11]вайман тяса, а тинь вешесть и вятесть сей Сталинонь.

Ленин озась ужеса ащи моркшкять ваксс и кулхцончнесь ичкозде кулеви вишкя ляцендематнень,

 

Смеласть Смеласть и танга весть смеласть!

ЦК-ать заседанияса 29-це (сире стильть коряс 16-це) Октябрьста Ленинць, Зиновьевонь и Каменевонь каршес корхтамста, танга весть няфнезе: „Международнай положениясь максси тейнек лама об“ективнай даннайхть, што, тяниень выступлениять тиемста, минь кармай улеме тяни эсь широсонок сембе пролетарскай Европась; няфнесы, што буржуазиясь йорасы максомс Питерть, Тянь эзда миндейнек ули кода арелямс, аньцек Петроградть эсь кядезонк сявозь. Сембонь тянь эзда выводсь шарьхкодеви, што очередса ся вооружоннай восстаниясь конань колга корхтави ЦК-ать резолюцияса.“

Тяка жа заседанияса лисеньць корхтама Сталин ялгась, конац корхтась: „Ся, мезе мярьгондихть Каменевсь и Зиновьевсь, тя об“ективнайста вятнесы контрреволюциять пуромомс; мин пефтеме карматама потама и юмафцаськ сембе революциять.“

Ульсь примаф Ленинонь резолюцияц. ЦК-ать заседаниянц пе маласта пуроптф военно-революционнай центр, коза кочкафт: Свердлов, Сталин, Бубнов, Урицкий и Дзержинский.

Вооружоннай восстаниянь анокламась мольсь пяк вишкста.

„Петроградскай советонь“ шинь 22-це Октябрьста, заводтне и фабрикатне, полкне и матросонь экипажтне аноклакшнесть пря-ни временнай правительствать мархта неизбежнай схваткати, конац (Временнай правительствась — Редакциясь) ся пинкть мольфць заседание Зимняй дворецса, нолясь лама прикаст, воззваният и васькафнемат Ленинонь партиянц ланкс, ся клазть ланкс, кона тонафни ляцендемати, исскуствати и восстанияти. Путиловскай шуфтонь театраса митингть панжезе котельщик рабочай, Барановский большевиксь. Тя ульсь инь мекольдень митинксь ся историческай шинь карша, конац решиндазе классть судьбанц

Ульсь сяшкавя тесна, што ломаттне озсефтельхть балкатанень выступнень ланга и кияксти. „Няевь бта, што театрсь кирьдеви ломаттнень лафту пряса“ (Даниловонь лятфнемастонза). Кафта якстерь гвардеецт, саворне и вишкста моли пуромксти апак няфтть, лифцть тоста эссер, конаи ювачнесь большевикнень безумияснон колга, кепсесазь классть востанияс. Эссерть ускозь шуфтонь подмосткатнень ланкста, но якстерьгвардеецне арелязь сон, кенькшта тулхкиезь. Мезе жа лифцть путиловецне? Пинькта лядонц пяк кржа и резолюция ашесть сьормачне.

Видеста путозь сявомс властть, — лятфнесы путиловецсь — Грязнов.

...Вов сьрмац Ленинонь — сон сьормадозе тянь илять 24-це Октябрьста комнатаняса Леснойса, и, аф учезь ответ, фатяф аф учеви сай восстаниять эса, тусь сотьня толса палы Смольнаи.

„Ялгат! Мон сьормацайни тя строчкатнень илять 24 це Октябрьста. Положениясь аш коза критическай. Валдодонга-валда, што тяни ни восстаниять валом молемац куломань кодяме.

...Аш мезе учемс!! Можно юмафтомс сембе!!“

Аш мезе учемс! Тят ульсть ся кафта кяжи валхне конат вий мархта пеень пачк мярьгоньдезь рабочай—красногвардеецне, конать урядасть оружият, тонафнесть зарежама винтовкатьнень боевой патронса, анокласть пря нолдамс синь тевс. Военно-революционнай Комитетць терьдезе Травников большевикть путиловецть решительнай шама мархта. Сонь кизефтезь:

— Тон улеть артиллеристокс?

— Да.

— Артт „Путиловецти“, ватт, штоба куроконя кочкалезь пушкатьнень. Синь пяк эрявихть революцияти.

— Ладно.

— Норавак. Мзярда кочкасасьть синь, тясть юкста, сявость сятьнень, кит ушедыхть ляцендеме эздост.

— Шарьхкодеви.

Заводтть вагонно мастерскоензон эса блиндированндасть поезд Фок-Арбелень платформаса, кочксезь и путнезь лангозост трехдюймовкатнень, а снарядтьнень сявоньдезь эсь полигонстост. Илять и сяко же шиня, Полюстровскай набережнайса Металическай заводть ортанзон иньголи ардць грузовик 4 ящик винтовка и потрон мархта. Якстерь Гвардиять Штабоц ульсь [12]заводть глухой васта „Китайскяй дворецса“ катф урдазу кладовайхнень эса. Янушкевич Модельщиксь вишкста паньжезе штабть кенькшенц аф кайгиста: командовась:

— Цьорат, шамдость!

Васеньцень 30 Якстерь гварьдеецне тусьть од сайхнень мархта выборскай райононь штабти, тоста Веселай долина трактирьти довооружатса. Сенкинць лиссь вооруженнай испанскяй наганса конань барабаноц ащи виде шири. Сон строязе эсь десятканц; Сембе синь ульсть, кода и сон „Металическайста“ — токорьхть, слесарьхть, котельщикт, щафт синь обычнай рабочай щамса, но карксафт шнаса Лац синь ваномдост меля, сон сявозе десятканц Петроградскай ширети эса юнкерхнень кяцта орудиять норгомс синь дружнайста мольсть шоподать эса пцтай истьля корхта фкя фкя мархта

Событиятьне срхксесьть и кепсесьть, кода толсь, разнай вастса воставшай ошть эса.

24-це. Октябрьста 12-ва частса шить Зимняйть араламс сась авань добровольческяй отряд. Кишкинонь—Коноваловонь правительстваснон.

Смольнайсь щетининдась пулеметса и вооруженнай якстерь гварьдеецса, конат канцьть революциять штабонц охрананц, конань эса Ленин шинек венек вяць заседаният.

„Аврорать“ радиостанциянц вельде Военно-Революционнай Комитетсь макссь распоряжения матросненьди и солдатненьди ваномс Петрограду нежедем вастне.

Эрь контрреволюциять ударонцты воставшай пролетариатсь отвецясь кафтонгорда ударса.

И шить, обедта меля цястса пред-парламенть заседаниянц эса А. Ф. Керенскяйсь, кайги фразань и истерическяй жестонь, ломаньць лиссь очередьфтома азомань мархта срхкаф „талпать восстаниянц“ колга.

А комиссаронза „восставшай талпать“ занязь-ни телеграфть и 7 са илядь ушедсть седень водендамс, конатьнень эзга молсть центрати якстерь-гвардеецьне, матросне и солдатне.

Зимняйсь сявф!

Тяфта ушедсь 25 октябрьть шобдавац: седень водямда, ошть эса важнай стратегическай пунктонь сявомда меле. Зимняйсь фатьцевсь воставшайхнень кшнинь скольцьказост. Николаев атясь, строгальщек Трубочнай заводть эзда, кона арась комендантокс Василеостровскяй районти, вооружил рабочайхнень и мекольдень отрядть првожамда меле, арась телефонть вакс, кона сотнезьне Смольнайть мархта. Соньтеенза максфоль кема задания: „Киньдиньга телефонть аф максемс, аф тушендемс и учемс приказаният“. Выборскяйть ширеста мольсть рабочай отрядт. Балтиец Блиновсь, сявсь мольф заводть вакс двуколкать эзда вете винтовкат. Нилетьне мархта сон вооружил эсь ялганзон, а ветецеть мархта эсь прянц, и сембе синь вишкста аськолязь тусьть Зимняйть шири.

„Путиловецть“ эса пиньгонь-пиньгонь кулевсть тревожнай гудокт, конат терьдьсть ломаттьнень лездома революцияти. Шобдава Смольнаи тусьть 25 путиловец шофферхт зенитнай орудия мархта. Синь мельгаст Зимняйти тусь Сурковонь отрядоц 80 рабочайста, конаньди максфоль задания лисемс Главнай штабть арканц алда. Еремеевсь вятезе путиловецнень пулеметнай дружинаснон Смольнайть ваномс.

Неньга ашезь ушед варьхмодеме, „Аврорась ни“ нолдась якорь Николаевскя седьть вакса

6 частса шобдава гвардейскяй экипажста моряконь командать эзда занязе Государственнай банкать.

Частта меля Кексгольмскяй полконь отрядса ульсь заняф телефоннай станциясь.

Стратегическай планоц Ленинонь, вооруженнай восстаниять планоц пяшкочневсь лац революциять кшнинь закононзон коряс. Сядэ кемоста и кемоста таргавсь скольцкась Зимнайть перьф и 10 частса шобдава Ленинонь кяца ульсь сьорматф нюрьхкяня возвания:

„Россиянь гражданонзонды! Временнай правительствась йордаф... Шумбра улеза рабочайхнень и крестьятнень революциясна.

Неньга ашесть коске чирнилатьне историческай Ленинскяй возваниять листканц лангста, кода Керенскяй ворьгоць дворецть эзда Псков пяли кочкаме контрреволюциять виензон А революциять лавинац гевярьсь аф кирьдеви вийса, сембонь тяйсь эсь кинц лангста. Морякне и измаиловецне занязь Мариинскай дворецть и анасть пред парламент ширде, [13]сяда курок урядамс помещениятнень. Савсть урядамс! 2 частса шить 3 кораблят арасть Невать лангса Зимняйть каршес: „Аврорась“, „Амурсь“ и „Ястребсь“ Водендаф Зимняйть лангс, „Аврорать“ орудийнай дуланзон эшкса Смольнайть эса паньжевсь Петроградскяй советть экстреннай заседанияц, Ленин лиссь, 280 комнатать эзда и перьвай аф кяшезь кармась сембень инголе корхтаме. Кадетскяй „Речсь“ тяштезе, што „лисемац Ленинонь кафедрать лангс тись бурнай овацият“.

Сон шумордазе эсь корхтаманц лозунга:

„... Шумбра улеза сембе масторонь социалистическай революциясь“!

Тя ульсь вайгялец пролетариатть, кона завоевал победать, и хоть врагсь неньга озадоль Зимняйть эса, конань арелякшнезь юнкерхне и авань батальонць, но сонь минутонза ульсть луфт, сон ульсь-обреченнай, гибельс. Кафта самокатчикт Петропавловскай крепость эзда максть Временнай правительствати ультиматум: Максода пря или ушедтама ляценьдемс Зимняйть лангс. Думандамс синь макссть 20 минут. 20 минутонь йотамда меле министорхне анасть дага 10 минутт но думандамда меле кодамовок ответ синь максомс ашесть машта. Восставшайхнень скольцкасна сяда кемоста таргавсь Зимняйть перьф.

25-це октябрьста 9 частса илядь амбонф и кяшеньф Зимняйть ичкозьдень комнатанзонды Временнай правительствась максь стама радиограмма: „Катк странась и народсь максыйхть ответ большевикнень пяляз попыткаснонды срхкафтомс восстания тюри армиять тылсонза.“ Отвецясь выстрелса „Аврорась“, отвецясьть пушканза Петропавловскяй крепосьть, пулеметнай и ружьянь толса отвецясьть матросне, солдатне и якстерь гвардеецне, сембе пяльде молемста Зимняй дворецть шири Керенскяй неньга йорясь пря машинаса Могилевста Ставкати вешеньць кшнинь кядь, конань виец улель люпштамс „Талпать восстанияц.“ Ивади приказса 814 № са сон вешсь Временнай правительстать членонзон ширьде пяшкодемс эсь долгснон истерзаннай родинаснон инголе: „...Кода и мон кирца эсь верховнай главно-камандуещаень постозень.“ Но штабть арканц алда, Летняй садть ширеста, сембе ширде, молсть матросне и рабочайхне, аф кирьдеви, аф ужяльди волнакс сувась вийхца паньчф Зимняйть ортанзан и кенькшензон эзга.

1 част 50 минут веть восставшайхне занязь „1812 кизонь галлереять.“

2 частса 10 минутса Зимняй дворецсь ульсь сявф.

Монь кенярьдемазе ульсь аф азомшка

Машиннай школась веляфтозе юнкерскяй заслонть. Блиновсь, Балтийскяйть эзда, эсь ниле ялганзон мархта мольсь Невать кержи беряк ширестонза. Сон тусь Дворцевой площадьть эзда, аньцек шобдава, вете частса, мзярда-ни сембе, сонь валонзон коряс, ульсь ладяф. Сон кандозе куду винтовкать, конань мархта кшни кателонь сборщиксь тюрьсь народть врагонзон мархта. (Тя винтовкась монь пялонь ванфнюсь кувац, а тоса мон сонь максыйне партийнай комитету“). Сенькинць, Металическяйть эзда, занязе тя веть Выборгскяй ширеста телеграфть.

Выборгскяй якстерьгвардеец, Васильевскяйсь, матросне мархта, вешенць Зимняйть эзда, Временнай правительствать членонзон. Сембе синь яцесть фкя комнатас.

Ульсь максф команда — „Встать Смирно;“. Безчинстват минь кудаптка иземе тиеньде, а синьга сопротивлениясна минь тейнек ашель сянкса, што няезь, — синь тевсна налхкф, картасна шавфт. Тяфта синь ульсть арестованайхть и сямеле лийтьфт площадти, фигуратнень каршес. Мзярда народсь содазь синь кармась вешема: ляцемс и сяда лам аш мезевок!“ Вов тяса и ульсь стака кирьдемст. Эста сась максомс команда: „Аф токамс“ и, мек потамда меле, Миллионайть кувалмос вятемс Петропавловскяй крепоссьти. (Василевскяйсь).

Весь ульсь сетьма и лямбе. Николаевсь, Васильеостровскяй райононь комендантсь, ашезь тушенда телефонть вакста. Сон тркстаць, мзярда комнатати вишкста сувась вестовойсь и атять кргада кундамда меля, ивадсь:

— Ура! Дворецсь сявф, сисем министорхне капиталистне арестованайхть!

— А кафксоцесь? — кизефтозе Николаевсь, мзярда йотась вясецень кенярьдемац.

— Ворьгадць, гадсь.

— Сай мархтонза усксемс пря.

[14]И атясь мярьксь максомс тревожнай гудокт завотнень эзга, штоба Зимняйть сявоманц колга содалезь сембе. „Монь кенярьдемазе ульсь аф азомшка. Тяфта курок ульсь йордаф капиталистнень властьсна. Но эряви тяни кемокстамс пролетариатть властьтец“ (Николаевсь).

Гачинав! Москову!

Октябрьста 26 шиня Ленин кармась терьнемс связень, кирьди якстерь гвардеецнень, содама райотнень настроенияснон. Мзярда Еремеевсь „Путиловецть“ эзда сувась сонь комнатазонза Ленин сйормадоль и аф эста кига няезе сонь суваманц. Мекольдень пети прянц кеподемда меле, Ленин няезе Еремеевонь, пулеметчикть кона сявозе под козырек. Ильич смутясь и яфиесь кяденза мархта.

— Озак, озак. Азонтт!

Сон педа пес кизефнезе сонь, мезе путиловецне тисть тя кафта шитьнень эзда, кодама настроениясна рабочайхнень, аватьнень. Судонь комиссарсь, путиловец Суворовсь, рабочай судьятьнень мархта Алексеев Васять, Лемешовонь и Генслеронь йот щобдава ни йотсезь райононь судебнай камератьнень и прьмасезь тефнень собтажнечендай судонь чиновникчень кяцта А илять сяко же шиня, 26 це октябрьста, паньжусь заседанияц Всероссийскай советонь с‘ездть. Ленин азозе декретть мирть колга, сон азозе “декретть модать колга,“ кона ульсь прьмаф веть 2 жа частса, сяда меле с‘ездсь кочкась народнай Комиссаронь Совет. Ленин солдатнень паравалонь азомда меле кармась корхтаме:

Кемоста кирьдезь крайда пюпитрать и ванондозь талпать эсь йомбла сельмонзон мархта, сон тяса ащесь стяда учезь, афшарфтозь кода няеви, мяль аф лоткси овациять шири, кона мольсь лама минут. Мзярда овациясь лоткась, сон простойста мярьксь:

— Мин тяни ушедшнетама социалистическай порядкань строительствать“.[1]

5 ч. шобдава 27-це шиня с‘ездсь сьолгусь Сяко же шиня Гатчинать ала, Детскяй Селоть и Пулковскяй пандтьнень эса дуборгоцьть орудиянь снарядтьне: Питерьти грозясть казачай частьне Краснов генералть, инголест моли Керенскяень мархта.

„Терьдеськ минь сембе вийхнень фронту. Ульсть максфт сигналхт Балтийскяй и Трубочнай эаводтьненьди и аф сяда лама кода колма частта меле вооруженай отрядтьне ульсть комендатурать инголе и кучфт фронту. Конань ульсь кшиц сотфтольть руцяняс, конань мезевок ашель, но мольсть бодрайста, мора мархта. Мзярда ашезь сатне оружия, то максесьть каймонят и ломт. Аватьненьди мон мярьгонь молемс аптекатьнень ланга и сявомс медикамент и синь ульсть кучфт сестракс Пулковать алу“.
(Строгальщик Николаевсь).

Корчагинсь, Путиловец Нарвскяй районцта, получандась задания максомс шобдавати 250 алаша сядла мархта, телефоннай апаратт и колючай проволока. Артилериять максозь Путиловецне, телефоннай апаратнень и проволокать — „Эриксон“. Тевсь лотксесь алашатьнень ингса. Синь эсост вешеньцть веньберьф, и Обводнай каналть эзда кавалерийскай училищаста алашатьне сядлань ала ульсть сявфт.
Сембе фронту! путиловецнень бронипоездснон сявозе мольфгемс Григорьевсь слесарь башнянь мастерскойть.

„Мон йораса няфтемс, конашкава кеподьф мяльсна ульсь рабочайхнень. Колмоце али нилеце шить бойхнень эзда Пулковать ала аш мезе ульсь кучемс. Мон сувань Трубочнай заводти и няийне, што тоса аноклафт 5.000 обед. Курок ладяма походнай кухня и кучеськ обедтьнень фронту. Завкомть дежурнай членоц корхтай моньтеен: „Николаев, мезе тон тият?“ Отвецян: „Веляфтк монь лангозон,“ — а моньць арань ортать лангс. Мезяма же видекс няюсь? Мзярда рабочайхне содазь, што ярхцамась сявф районнай Комендатурать распоряжениянц коряс и кучф фронту, кивок фкя вал ашезь мярьге Мон, видеста корхтамс, пеленьдень аватьнень эзда но, дага лятфтаса, кивок нльня ашесь пшкядь Моньдеень тя пингсь ульсь изумительнай. Тянкса минь тяфта курок и тяфта цебярьста, хош аф станя теждяста, сяскама“. (Николаевсь).

Кодак аньцек красновецне ульсть айдяфт, кода 29 октябрьста пуромсь отряд своднай революционнай войскатьнень эзда, тюремс контреволюциять мархта. Сонь ульсь киц Москову, и сонь инголенза моли — Путиловскяй [15]бронепоездць. Задачась ульсь: лездомс Московонь пролетариятти, люпштамст юнкерхне. Но ся минутть эзда, мзярда сембони ульсть анокт првожамс, содавсь, што машинистсь ворьгоць Положениясь няюсь аф надежнай, матросне и путиловецне сялончнесть викжелевскяй саботажникнень мархта, конат атказасьть максомс лия машинист. Матроснень йоткова, конат командованиять перьфкальхть, яцесь корянааза аляня карготьф орняса и кизефць.

— Мезяма тевсь?

Соньтеенза отвецясьть:

— Машинистсь ворьгоць.

Сон спокойна корхтай:

— Мон — машинистан. Мезяме мярьктада?

— Москуву, бронепоездга апак полафт.

Сон сявозе мольфтемс бронепоездть, но Тосна станциять эса содавсь, што инголи йотась Керенскяень бронепоездоц, кона тюрьсь Пулковть ала воставшай пролетариатть карше Керенскяень Кшнинь батальоноц вятсь кафта бронированнай ваготт и поезд, вельхтяф броняса мянь шарыс И мольсь сон Москувть лангс! А Путиловскяйсь седень, кшнинь платформаста, конатьненьди ульсть марафт жувархт и путфт 2 морской пушкат. Васеценсь мольсь лездоме контрреволюцияти. Омбоцес — юнкерхнень карше, кеподемс и кемокстамс революциять. Но васеценьсь, юнкерскяйсь, ульсь инголе и грозясь Москувти.

Тя и тона кеподьсть пялязкс ардама Окуловка станциять эса контрреволюциянь бронепоездсь сязезе эсь мельганза машина кить, штоба лоткафтомс революциянь бронепоездть. Синь эльбятьсть. Кись ульсь петьф Окуловкань ремонтнай рабочайхнень мархта, и путиловскай бронепоездсь йотась свободнайста апак кирьдьть — Но сяко же ся ульсь инголе, сяда маласа Москуву и сяда цебярьста вооружоннай. Путиловскай бронепоездсь азсь латтаст. Бологое начальникти и башка железнодорожнай депоть рабочаензонды кирьдемс юнкерхнень бронепоездснон, кона моли поваме Москувонь рабочайхнень восстанияснон. Станциянь начальниксь эводьсь, а депонь рабочайхне кружазь юнкерскяй бронепоездть, ашезь ноля сонь Москуву, Юнкерхне анасть пря нолдамс синь Полоцкяй линияти, коста синь арьсекшнезь перьф шары кить эзга повомс Москуву,

Контрреволюциянь бронепоездсь касфтозе скоростенц, тусь Полоцкяй веткать эзга и сязезе эсь мельганза кить, но, Куженкинав пачкодемда меля, сон няйсь пря мешокса, сянкса мес революционнай салдатне содазь кафта бронепоезтьнень тюремаснон, арасть Путиловскяйть шири и калафтозь кить. Юнкерхне йордасьть пря вирти, но тяса синь васфтозь пулеметнай толса. Эста синь йордасьть пря меки, эсь бронепоездост.

Путиловскяй бронепоездць сатозе васеньцеть, юнкерскяйть. Кить сязьф вастонц вакса валксь матросонь отряд и ялга стройса атакавазь юнкеронь бронепоездть. Сон ульсь максф фкя выстрелфтома! Тя бронепоездць ульсь цебярьста вооружоннай: Паравозсь ульсь шарыс вельхтяф броняса, бронированнай ваготнень эса ульсть кафтонь колмадюймоваень башня. Матросонь командась сявозе сонь эсь кядезонза и бронированнай стенанзон эзга сьормаць нюрьхкяня надпись „Москуву!“ Мзярда петезь машина кить, то Москуву, голь сяда вишкомозь, мольсть кафта бронепоездт. Васеньцесь и омбоцесь ульсть революциять ингса, пролетариатть диктатуранц ингса.

7 це шиня Колма частса шить...

Ламоц сятьнень эзда, конат тусьть бронепоездть мархта Москуву, конат тюрьсьть гражданскай войнань фронтнень эса, конат минь великай шинеконь самс шисот, кулхцонсть Ленинонь, историческай корхтаманц конань корхтазе Смольнайса питерскяй советть экстреннай заседаниянц эса 7—це шиня ноябрьста (25 це шиня октябрьста) 3 частса шить, вооруженнай востаниять пиньгонц молемста.

Ялгат, — корхтась Ленин, — рабочай и крестьянскяй революциясь, конань эрявоманц колга сембе пиньгтьнень корхнесть большевикне, тиюсь...

Тя пиньгть эзда ушеды од полоса Россиять историяса, и тя, колмоце русскяй революцияти эряви эсь мекольдень итогсонза вятемс социализмать сяскоманцты...

Россиять потмосонза громаднай часьтец велеэряйхнень эзда мярьксь: саты коленьдемс капиталистнень мархта. Минь получандатама доверия велеэряйхнень ширеста фкя [16]декретса: коца машфцы помещиконь собственносьть. Велеэряйхне шарьхкоцамазь, што аньцек рабочайхнень мархта союзса велеэряйхнень, спасениясна

... Россияса миньтейнек тяни эряви ушедомс работаме пролетарскай социалистическай государствань строямаса.

Шумбра улеза сембе масторонь социалистическай революциясь!“ (БУРНАЙ АПЛОДИСМЕНТ).

16 ва киза меки человечествать тяниень историянц зарянц эзда ульсь азф тя корхтамась. “Рабочай Путь-сь„ 8 це ноябрьть эзда отчется тя корхтамать колга тяшти што „пуромксь путозе аф паньжемс преният Ленин ялгать докладонц колга.“ Мольсть бойхть. Депутатне кучсефтольхть тоза, коса рабочайхне, салдаттне и матросне сявоньдезь влассть.

16 киза странанека минь революционнай бойса йотафцыни эряфс тя Ленинскай корхтамать лозунгонзон. Строяф вию, афсяскови пролетарскяй социалистическяй государства.

Шумбра улеза сембе масторонь социалистическяй революциясь!


  1. Джон-Рид, „10 шит, конат шерьфтезь марнек мирть“.