Пелысьӧй, быдмы, быдмы да...
Пелысьӧй, быдмы, быдмы да,
Быдмы да, эн шатайтчы.
Милӧйӧй, любит, любит да,
Любит да эн кратайтчы.
Ме велалі купайтчыны,
Изъясӧн шыбласьлыны.
Ме велалі любитчыны,
Синъясӧн мигайтчыны.
Ме кӧ тӧді — ваыс джуджыд,
Эг ме сэні купайтчы.
Ме кӧ тӧді — зонмыс дурак,
Эг ме сійӧ любитлы.
Менам вӧліс алӧй чвет да,
Ӧшинь вывтӧг оз чветит.
Менам вӧліс милӧй друг да,
Ӧшинь увтӧг оз прӧйдит.
Миян ягын уна пуяс,
Сӧмын пелысь пу абу.
Миян грездын уна зонъяс,
Сӧмын милӧйӧй абу.
Менам вӧлі лӧз лента да,
Вӧйи ӧд море шӧрӧ.
Дыр любитны эз шедлы да,
Сӧмын жӧ нин шог вылӧ.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 96 years or less since publication. |
|