Пеледӹш

Савельева Евгения Константиновна

ПЕЛЕДӸШ

Мӹндӹрнӹ, мӹнь пӓлем,
лап вӓрӹштӹ, шанем,
пеледӹн пеледӹш
дӓ кушкын воляшты
ӹшке ганьвлӓн семняштӹ,
мӹндӹркӹ кыш кеӓш.
Йӓл гань веселӓен,
ӹшкӹмжӹм итӹрӓен
тӹ кӓнгӹжшӹ шокшын.
Кловой калявачан,
кышец техень шачын,
пиш пуры дӓ шотан.
Кў кешӹм тӹшецӹн,
цўдӓлӓ, тӹрлецлӓ
ӹшке докыжы шыпшын.
Млоецлӓн ӹдӹржӹм,
Лач соты шӹдӹржӹм,
Пӹжген пӹлӹшеш.
Цилӓ корныгешӹм
со сӓртен ӹшке векшӹ.
Ах, цўдӓ пеледӹш!
Лач тӹдӹм переген
йӓнг кӧргӹштем, телӹм
куштылгы ашкедӓш.