Валда ян/1931/10/Партиясь и Октябрсь

From Wikisource
Jump to navigation Jump to search
Валда ян (1931), 10 №, Ноябрь ков edited by Бажанов Л. Е., Порватов Т. М.
Партиясь и Октябрсь
Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 10 №, Ноябрь ков, 1931 киза. — с. 2
 
[2]
Валда ян 1931-10 04стр изобр1.jpg
Партиясь и Октябрсь

(Октябрьскай революциять 14 кизонцты).

14 киза-ни йотась, кода большевиконь партиясь, Ленинонь руководстванц вельдя, пролетариянь крдатнень лездомаснон вельдя тийсь Советонь рабочаень, сьора—видиень и солдатонь депутатонь власть.

Йотаф 14 кизотне няфнесазь сят пяк оцю сятфкснень, конат сатфт минь Советонь союзонеконь хозяйственнай политическай ширенц кемокстамаса. Нят йотаф 14 кизотне няфнесазь международнай социализмань тиемаса пяк оцю сатфкснень, конатнень минь сатнетяма эрь шиня.

СССР-сь аграрно-промышленнай масторста минь сельминголенок шарфневи промышлено-аграрнай масторкс, коса сембе народонь хозяйстваса инь оцю вастть заньцесы соиалистическай секторсь. Эряви азомс, што сембе минь промышленностенеконь эзда пцтай 98 проценць арси государственнай али кооперативнай промышленостекс и 60 процентта лама сембе сьора—видиень хозяйстватнень (и 75 процент видема площаттнень) эзда фатяфт коллективизациять маррхта.

Нят пяк оцю хозяйственнай сатфксне минь вятемазь пяк вишкя классовай передвижкас. И кда кизефкссь „кие-кинь сяськсы“ промышленносьца тийф социалистическай секторть пользас, то и велесонга коллективизациять вишкста касомац и кулачествать кода классонь машфтомац сплошной колективизациять вельдя, корхтай сянь колга, што и тя ширесонга социализмась лисенди сяськикс.

Вов мес Сталин ялгась аф пелезь и надьяфтозь корхтась партиянь 16 це пуромксса, што „Совецкай власць арси тяни инь цебярь, инь кемя властекс сембе масторлангонь власттнень эзда“. А минь масторненкя машфнесы ингольдень эсь фталу лятф шинц и вишкста моли инголи, шатясь-ни социализмань кить ланкс и тяддень кизоть аделакшнесы социалистическай экономикань фундаментть тиеманц.

Рабочаень крдатне ленинскай партиять, центральнай комитетть и партиять вожденц Сталин ялгать руководстванц вельдя фкя сатфксть эзда молихть омбоце сатфксти, машфнесазь сембе инголест ащи сталмотнень.

Октябрьскай революциять 14 кизонь праздникстонза рабочай клазти и сембе трудяень крдатненди эряви аф аньцек тиемс итог сембе тийф работаснонды, но и арьсемс переспективат инголь пяли тюремати и строительствати.

Сьора-видиень массатнень од колективнай работамань условиятненди йатафтомасна тяфта жа путни инголенок лама пяк ццю задачат, тя колхоснень организационно хозяйственнай ширень кемокстамаснон кигя, синь эзгаст социалистическай трутть лац ладяманц кига. Тяконь шовор пяк оржаста ащи кизефкссь 1931 це кизонь хозяйственно-политческай кампаниятнень сьоронь анокламать, ловалу сокамать и доходонь явшемать эсь-пиньгова и цебярзста пяшкодемаснон колга. Тяда яашка партиясь пяк оржаста путнесы кизефксть техническай културатнень (каньфть, иляназт и лиятнень) и соиалистическай жуватань водямать вишкоцтемаснон колга.

Сембе нят задачатнень пяшкодемасна и синь эрязда йотафтомасна вешихть работаса од метотт и видексонь конкретнай болшевистскай руководства.

Од условияса работамс, од условияса вятемс руководства — тя лозунксь тяни ащи пяк оржаста эрь партиецть, эрь хозяйственникть, профсоюзонь члентть и эрь совецкай работникть инголя.

Одукс работамань кота условиятне, конатнень азозень Сталин ялгась, фатнесазь сембе важнай моменттнень, конат пяк эрявихть трудть пуропттомаса роботать од кигя ладяманцты.

Октябрьскай праздниконьшись, эряви арафтомс сембе работати итогонь тиема шикс, массатнень производственно-хозяйственнай активносьцнон кеподема шикс. Тя шить эзда эрявихть ниньгя сяда вишкста сувафтомс од метоттнень и од условиятнень социалистичскай строительствань вятемаса сембе работатненди.

Эряви мяляфтомс, што партиять генаральнай китьксонц вятемаса задчатне вешихть кафта фронтова пяк вишкя тюрема, вици шири молихнень кода тяниень пингонь инь пелема васттнень, „кяржи“ шири молихинень и синь лангозост примиренецокс ваныхнень мархта. Тячиень пинкть, мзярда вишкста каси социализмась миньмасторсонок и мзярда минь педа-пес тарксетяма капитализмань илядыкс юрхнень эса, мзярда минь сплошной колектизизациять вельдя машфттама кулачествать кода классонь, робочай клазть врагонза и фсякай лаца кулаконь подпевалатне сембе вийса йорайхть синнемс партиять генеральнай китьксонц эса, мезенкса синь яцсекшнихть хозоргаттненди, совхосненди, колхосненди и ст. тов.

Октябрнь революциять 14 кизонь праздникс тонза СССР-нь рабочай клазть и трудяй колхозникненди ниньгя сяди пяк эряви пуроптомс коммунистическай партиять и Коминтернать перьф, молемс Ленин ялгать катф валонзон пяшкодемаснон кигя, минь СССР-сонок социализмань тиемань и мировой Октябрти анокламань кигя.