Партийлан

From Wikisource
Jump to navigation Jump to search

Иван Горный

АПРEЛЬ

А кeчӹжӹ - кӱшкӹ дӓ кӱшкӹ,
Элтӓлӓ йӹр шошымшы зeмлям.
Шылата тeк лаксыргыш ӱштӹм,
У шӱлӹшӹм пуа эдeмлӓн.

Йӹрпӓлeш кымда онгжым Йылжы,
ӹлӹмӓш ӹлӹжeш у сeмӹнь.
Кыргыжeш Йыл влeцeнӹт тылжы
Сӓндӓлӹклӓн пуаш у сeмӹм.

А кeчӹжӹ шачын Йыл тӹрeш
Яргатан йӹрвӓш валгалтараш,
Хрeсӓньӹн лицӓш пырташ цӹрeм,
Пӓшӓзӹн алтацам пӹтӓрӓш.

Дӓ спутниквлӓ космосым тӹрлӓт,
Интeрнационалым шишкалтeн.
Зeмляшкӹнӓ анжат шӹдӹрвлӓ,
Цӱдeeн дӓ мӓмнӓм вычалтeн.

Полой вӹд кыцe коэштӓлтeш -
Шагалeш чак труйышы халык.
Якшар кeчӹялжы валгалтeш,
Виӓнгeш сeк изи сӓндӓлӹк.

А кeчӹнӓ - кӱшкӹ дӓ кӱшкӹ.
Элтӓлӓ йӹр шошымшы зeмлям,
Шылата тeк сeк кӹлмӹ ӱштӹм
Дӓ анзыкы ӱжeш эдeмвлӓм.
1966