Паксять морасан/Тячинь майста

From Wikisource
Jump to navigation Jump to search
Паксять морасан  (1932)  by Безбородов, Михаил Ильич
Тячинь майста
М. Безбородов. Паксять морасан. Государственное издательство художественной литературы, Моску, Ленинград, 1932.

[ 34 ]

ТЯЧИНЬ МАЙСТА


Шудихть трудяень
Моротня-валхня,
Сетьмоста кожфкясь
Вельхкска уфай.
Ульцява либордыхть
Якстерь флакня,
Тячи празник,
Празниксь — Май.
Тячи ваймама
Шисна трудяйхнень,
Покайхня, сокайхня
Лисихть ульцяв,
Марса венепцазь
Пуворьф кяцнон,
Сятненди, конат
Тячис муцяфт.
Тячи ваймяхть

[ 35 ]

Фабрикань кштерьхня,
Ваймяхть заводонь
Лакай горнатня.
Молихть ульцява
Трудяень вийхня,
Кода морява
Вармати волнатня.
Молихть ошка,
Молихть велева,
Молихть рядонь,
Молихть инголи,
Молихть сатфксонь тиезь.
Тячи козятня
Масторть келева
Порихть пейснон.
Пиндолдыхть сельмосна.
Няйсазь, кизода
Кизос, юмси
Алдост ингольдень
Модасна,
Курок курок
Калмос сувсихть,
Вельхтясайнек модаса
Кели коняснон.