МОРАФТОМА КУЦА
Ловсь ляпя пухокс
Вярьдя алу прась,
Равжа модать лангс
Акша щам ацась.
Якшамсь нельгозень
Весяла шитьнень,
Ловонь фальняса
Перязень китнень.
Стирьхнень, цёратнень
Кяцта мянць ульцясь,
Тялонь якшапня
Синь эсост нуцясть.
Но синь нужазост
Лезць лувома куць,
Тоса однятня
Тев эстеест мусть.
[ 6 ]
Шитенгя тосот,
Илятькя молихть,
„Од-Велеть” эзда
Содамат порихть.
„Книгат, газетат,
Кона морафты,
Сянь эряма киц
Лиякс полафты”. —
Нят валхнень тейнек
Ленинць азозень,
Эряфс ётафтомс
Сон тейнек кадозень.
Аньцек тонафнезь
Аф стака ули,
Молемс инголи —
Валда эряфти.
|
|