Паксять морасан/Марса адя сокама

From Wikisource
Jump to navigation Jump to search
Паксять морасан  (1932)  by Безбородов, Михаил Ильич
Марса адя сокама
М. Безбородов. Паксять морасан. Государственное издательство художественной литературы, Моску, Ленинград, 1932.

[ 46 ]

МАРСА АДЯ СОКАМА


Тяса, тоса
Пижя нарнась
Тундань шити
Пижелгоць.
Ляй тырваста
Туста кальнясь,
Пижя парьхцикс
Мазилгоць.
Иса пряса
Гарнахть грацня,
Моронц —
Таргазя письмарсь,
Мянемс пери
Вешихть траксня,
Мяльснон
Мольфтозень ни карць.

[ 47 ]

Лама тевда,
Эх и лама!
Тундань сембя
Эряфса.
Тефненди
Тейнек кярьмодема
Фкакс трудяень
Келеса.
Юкстамат ни
Ташта кайхня,
Валда кити
Лисема,
Аф эрявихть
Попня „шкайхня”
— Одукс эряфсь
Петема.
Сокай кида
Кафта тяни
Ащихть
Миннь инголенок.
Фкять няфтезя
Тейнек Ленинць,
Омбоцети —
Сельголеть.

[ 48 ]

Васень кись —
Сембя трудяйхненьди.
Омбоцесь —
Кулакненди.
Апак покотть
Пеконь тряйти,
Од эряфонь
Вракненди.
Башка эряй,
Валсь тонь мельгат,
Мархтонок —
Колхозонкса?
Али сиря
Кайхнень кельгат
Аварьчнят
Кулаконкса?
Пингя ни,
Сокай, думама,
Прянь уйхня
Ни токамат...
Адяка
Марса тутама
Марстонь
Паксянь сокама.