Паксять морасан/Вирь

From Wikisource
Jump to navigation Jump to search
Паксять морасан  (1932)  by Безбородов, Михаил Ильич
Вирь
М. Безбородов. Паксять морасан. Государственное издательство художественной литературы, Моску, Ленинград, 1932.

[ 17 ]

ВИРЬ


Кизонда вирьняй
Пижя лопаняй,
Пси мани шиня
Псида кяшиняй,
Яксян потмоват,
Шуфттнень ёткова,
А пингонь, пингонь
Шяйга, лоткова.
Кулхцондан эсот,
Кода тон увнат,
Тифтень лопаня
Модать лангс прафнят.
Мастору лопась
Урьфса шарозь прай:
„Вай курок сёксесь
Якшамть мархта сай”.

[ 18 ]

Тяфта кашторды
Ёрдаф лопанясь,
Алга шаштомста
Сединь токайнясь.
Седись токави...
Марят пилеса,
Кода нармотня
Морахть келеса.