Паксять морасан/Видиян, сокаян

by Безбородов, Михаил Ильич

←Ловонь вармать пачк

Паксять морасан  (1932)  by Безбородов, Михаил Ильич Видиян, сокаян

Тундась малачни→

М. Безбородов. Паксять морасан. Государственное издательство художественной литературы, Моску, Ленинград, 1932.

[ 30 ]

ВИДИЯН, — СОКАЯН

Видиян, — сокаян,
Мокшень цёран,
Эсь мокшень кяльса — валса
Морот моран.
Моран паксяти,
Моран вирьхненди,
Моран мокшень цёратненди,
Мокшень стерьхненди.
Моран Кельгомга —
Седи вакскава,
Катк лийксни морозя
Вирьга, паксява.
Касонь велети,
Эрян велеса,
Работакшнень паксяса,
Тингя переса.

[ 31 ]

Вачеда ащекшнень
Войнань кизотнень,
Эстонь пингоня сюдыня
Козянь пизотнень.
Эстонь пингоня
Лядонь аляда,
Пяшьксоль куднекя
Ёмбла шабада*)^[1].
Од Эряфса тумонякс касонь мон,
Тяни видиян,
Тяни сокаян,
Эсь мокшень кяльса-валса
Моронь мораян.

1. *) Шабада - итьтя.

---