Тя аф атяма
Вельхксса дуборды,
Аф шава крандас
Ульцява арды.
Тя аф оцю ляй
Шудемста увнай,
Аф ведь меленця
Шаромста шумнай.
Тя Сёмань куца
Ашуфня шумнайхть,
Оцю тев ланга
Келесост думайхть.
Синь оцю думсна:
Од кочкаматня. —
Тянь колга корхтайхть
Ашу ломаттня.
Арьсесазь марса,
Кода козятнень
Тяемс совецта,
Да марстонь тевста,
Корхтазеви фкясь,
Сембя кулхцондыхть,
Кода аф корхтайхть, —
Фкя ки мушондыхть:
„Панемат, ялгат,
Велень совецта:
Тевонь колайхня,
Паршинь салайхня,
Веронь потяйхня,
Шкаень кельгихня,
Апак трудяк
Кшеда ярхцайхня”.
Тяфта путозя
Ашувонь пуромкссь,
Тяфта дружнаста
Оцю тевс уромсть.
Вов тяфта, ялгат,
Сембя тиеда,
Одукс кочкама