Одӥг салдат, пе, мынэм

Одӥг салдат, пе, мынэм… Калык выжыкыл

Источник: Гаврилов Б. Г. Произведения народной словесности, обряды и поверья вотяков Казанской и Вятской губерний. — Казань, 1880. — С. 63—64• Текстэз туала орфографие берыктэмын но абзацъёслы люкемын

Одӥг салдат, пе, мынэм мукет кун улэ, пе, улэм. Собере со пегӟем; со пегӟем бере пуныен утчаны ветлӥллям. Со улэм ялан лапушка улын; собере со потэм но тэле вуэм, тэлетӥ мынэм, собере корка вуэм; корка вуэм но юам: кӧлыны лэзёд-а? шуэм. Лэзем. Собере со корка пырем.

Отын кык адями уло, пе: одӥгезлэн пыдыз ӧс дуре суземын, йырыз тӧро сэрегын, огезлэн гур азьпала суземын пыдыз, йырыз нош тӧро сэрегын, пе. Соос вераськиллям: тон, пе, кызьы вуид ини татчы? – Мон, пе шуэ, озьы, озьы вуи ини. Вераськем со: тынад, пе шуэ, кышноед бызе, асьмеос, пе шуэ, сюан вылаз вуом. Песьтэр кутаны кутскиллям. Собере, ӧжыт, пе, изём, изьыса, пе, мыном.

Ӧжыт изем бере, айда, пе шуэ, мыныны время ини, мыном, пе шуэ, тынад отын, отын нянед вань, пе шуэ, отын, отын сӥлед вань пӧзьтэмын пуд, ньыль сукыри нянед вань гулбечын.

Со сюан вылэ мынэм, как-раз кышноез бызе вылэм. Со эшъёсыныз шумить карыса корка вӧлдэтэз чистой берыктэм.