Однако дан (Дядюков)

Однако дан… Автор: Иван Тихонович Дядюков

Источник: Гудыри : газет. — 1921. — № 7. — 1-тӥ бам.

Однако дан…

Тулыс вуиз, шулдыртӥз,
Калыкъёсыз вырӟытӥз,
Пичи-бадӟым шур бордын
Ужало кор-пу дурын.

Дан шундылэн шунтэмъяз
Муш палэп кадь вырыло,
Тулыс шулдыр сётэмъяз
Одӥг сямен ужало.

Однако тузӥ атке
Озьы валче ужамзы,
Однако дан кылӥське
Одӥг гурен кырӟамзы.

Сыӵе ужзэс адӟыса
Кырӟам гурзэ кылыса,
Сюлэм ик бен шумпотэ
Сӥлез вирез буйгатэ.

Вае ко ачмиос но
Огиньын ужаломы;
Валче гыром-кизём но,
Валче ик усъяломы.

Соку гинэ ачмиос
Шедьтом данын улонэз;
Кӧня ке вань дышмонъёс
Адӟозы коп быронэз.

---