Нӱшмӱ лым лӹвäлнӹ

From Wikisource
Jump to navigation Jump to search

Эди Андре

НӰШМӰ ЛЫМ ЛӸВÄЛНӸ
Маг хó алатт

Тырыж дä кышкед шӹндӹмӹ
мӹнь тошты религивлäштӹ паралтам,
вӹрӹштӹ, ясышты, тылышты
целам кӹчäлäм
ӹлӹшӹ покойньӹкӹм вуйта бальзамируем.

Тенгечӹм ужшы керäл,
äнят вырсы тäроксаат керäл лиэш,
вара шергäш мементо гань
у эдемӹн ӹлӹмäш монгырыш
нолем дон анжалам.

Вуйнаматеш лыкдеок фронтыштыш
сӹнгӹмäш дон пуалтмаш гишäн шайыштам.
хаос лоштыш увер
раскыдын шакта ма
äль тидӹм мӹнь саслаш тӹнгäлнäм?

Вычалда, когоэшнӹшӹ эдемвлä,
цеверӹм тӹлнӹ, кӧргӹштем
увер кандышы, мадьяр кола гӹнят,
ӹлӹмäш ак пӹтӹ-
колышывлä логӹц курымаш Поратка кӹньӹлеш.

Кӹзӹт тел дä нӱшмӱэм
апай гань пуалтем лӹвäлнӹ амала
мам ӹштäш келмӹм выча,
шошым понгыжалтеш-
тенге тӧр шамак угӹц шӹтен лäктеш.
1914