100%

Нәфсе. М.Аҡмулла

From Wikisource
Jump to navigation Jump to search
Нәфсе
автор Мифтахетдин Аҡмулла (1831—1895)
Ҡара Йөкмәтке. Сығанаҡ: Әхәт Вилданов. Аҡмулла. Шиғырҙар. — Өфө: Башҡортостан китап нәшриәте, 1981. — 224 бит.Аҡмулла сайты


Нәфсе


Бай уйлар, ҡалай ярлы булмайым, тип,
Фәләнсә байҙан артҡа ҡалмайым, тип.
Бер уйлаған байына малы етһә,
Й энә уйлар алдыма һалмайым тип.
Йөҙгә малың еткәндә, йүгерерһең,
Бер тинлек сығым булһа, йөгөнөрһөң.
Ҡәнәғәтең аҙайып, шул ваҡытта
Бер мал үлһә, йөҙ ҡайғырып, үкенерһең.
Малың меңгә еткәндә тарыларһың*,
Ике меңгә етһәсе, тип зар ҡыларһың.
Эрелек һәм тәкәбберлек шомлоғонан
Шул көндә тәүбәләрең яңыларһың.
Мең ерҙән табыш алған уңмай ҡалмаҫ,
Табышһыҙ яланғастар туңмай ҡалмаҫ.
Йәне һаран яман бай таштан ҡаты -
Фәҡир түгел, Хоҙайын күңеленә алмаҫ.
Ил маҡтаһа "бай", "бей" тип, ҡыуанабыҙ,
Әҙәмдән йөҙөбөҙ өсөн оялабыҙ.
Ғәзиз торған тәңренән оялмайбыҙ -
Шундайын бер аҡылһыҙ диуанабыҙ.



Аңлатмалар

  • Тарылау (ҡ.) - һаранланыу, ҡомһоҙланыу.

Иҫкәрмәләр