Ньыль Ваняос

Ньыль Ваняос… Калык выжыкыл

Источник: Гаврилов Б. Г. Произведения народной словесности, обряды и поверья вотяков Казанской и Вятской губерний. — Казань, 1880. — С. 62• Текстэз туала орфографие берыктэмын но абзацъёслы люкемын

Ньыль Ваняос ӝожон пызь доры мынӥллям; бертыкузы ву доры вуиллям но, ойда ӝожон кокалом татчы, пе, шуэ ини. Одӥг воз ӝожонзэс вуэ кисьтӥллям, та, пе шуэ, одӥг но уг напчы; нош кыктэтӥ воззэс кисьтӥллям.

Одӥгез верам: мон, пе, пушказ пырыса пыдэссэ сурало али, пе шуэ, напез отчы пуксизло, пе шуэ. Собере со отчы пырем. Эшъёсыз, та уг ни пот ни, пе шуэ, та быдтоз ини, пе шуо, сиыса. Ну, уром, та сиыса быдтоз, пе шуэ, нош одӥг воззэ кисьтом, пе шуэ, ну кисьтӥллям ини соос нош одӥг воззэ. Огез нош, ну, пе, мон пыро ини, пе шуэ, пыдэссэ быдтэ ини со сиыса, пе шуэ. Пырем инизэ пыдэссэ сиыны, эше уг пот, пе, ини шуэ, сиыса быдтэ, пе шуэ.

Куиньметӥез мон валме пырто инизэ, пе шуэ. Пыртэм со валзэ, валэз сьӧры пырем но соиз но кулэм. Ньылетӥез, ну, пе шуэ, та ӝожонэз сиыны мон валъёсме пырто, пе шуэ; валзэ пыртэм, сиыса быдтоз али та валэ, пе шуэ; со вал отчы кулэм. Валзэ пыртэм но, мон берто ини, пе шуэ.

Со куинь валэз нуыса гуртаз бертэм; бертэм но айыоссэ ваем. Айыоссэ ваем бере утчаны кутскиллям, утчаса, куайыса кулӥллям шуыса, бертыса кошкиллям.