Нывлӧн ай-мам ордын олӧм
Майбырӧй дай сё майбырӧй,
Олан-выланінӧй!
Кольны ӧд менам пондіс
Батьӧй-батюшкоӧй ордӧ,
Мамӧй-матушкаӧй дінӧ.
Рытъя ӧд менам колис
Зӧркыд узян онмӧй.
Вой шӧръя менам коли
Лайкыд узян онмӧй.
Асъя войса ӧд коли
Чӧскыд узян онмӧй.
Майбырӧй да сё майбырӧй!
Татӧн эськӧн ӧд менам вӧлі
Асыв бок керӧсӧй,
Дзоридзаланінӧй.
Асыв-лун бок керӧс эськӧ ӧд вӧлі
Тупыльтчанінӧй.
Лун бок керӧс ӧд вӧлі
Кисьмӧдчанінӧй да
Небзьӧдчанінӧй.
Менам ӧд татӧн вӧлі
Оз тусь небыд вирӧй,
Намыр еджыд яйӧй,
Бумажнӧй вурыстӧм кучикӧй,
Шыльыд эжӧй-куӧй.
Ме эськӧ ӧд татӧн олі да
Батьӧй-батюшкоӧй ордын да,
Мамӧй-матушкаӧй дінын да,
Тӧлыся-шондіа костын ӧд олі.
Тӧлысьыслысь шысӧ эг кывлы,
Няньтӧг вомӧй эз воссьыв,
Тӧвтӧг юрсиӧй эз вӧрзьыв.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 100 years or less since publication. |
|