Ноктюрн

Вала Катри

НОКТЮРН
Тӹлзӹ – кӓнгӹж ӹрдӹн кӱ шӹ кӹцкӹжӹ
ыжар мӱлӓндӹ вӹкӹ анжа.
ӱ штӹ кӹдежӹштӹ цӹтӹрӹшӹ сарта тыл гань
сотыжы вӹд вӹлнӹ рӹпшӓлтеш.

Амалышы мӱлӓндӹ ӹшке пышанжы -
Тӹлзӹ вӹкӹ анжен, кӧргӹшкем
тамахнь ӧрӹктӓрӹшӹ ладна ылмаш
шӱмем вашт витӓ.
Тӹлзӹ таманяр тӹжем гӓнӓ
мӱлӓндӹ вӹлнӹ пеледӹшвлӓн пеледмӹштӹм
дӓ кошкымыштым ужынат,
нимат тӹдӹм ӧрӹктӓрен ак керд.
Седӹндонат агыл ма, тӹдӹ соок техень ладна?
. . .
Анзылнем шим , ӓйӹнӓлтшӹ ӹмӹлкӓм ужам –
шуды лошты тӹлзӹ сотышты луды коти
садышты пышкыды пӹжӓшвлӓштӹштӹ
амалышы кеквлӓм кычаш кеӓ.

Цӹтӹрӹшӹ юк тыр йыдым пӹчкӹн шуа –
шӧртньӹ вӹдӹшкӹ шӹлшӹ, лӱ дӹн колтышы
шим кек!