Нимә яҡшы?(әкиәт). Башҡорт халыҡ ижады

From Wikisource
Jump to navigation Jump to search

Нимә яҡшы? (әкиәт)
автор Башҡорт халыҡ ижады
.Нәшер ителгән: 1988 йыл. Сығанаҡ: "Туған тел".-Өфө"Башҡортостан китап нәшриәте",1988 йыл


Нимә яҡшы?


 Бесәй, әтәс, эт һәм кәзә бер ишек алдында йәшәйҙәр икән. Кис булыу менән, улар лапаҫ аҫтына йыйылалар ҙа үҙ эштәре тураһында һөйләшә башлайҙар. «Донъяла нимә иң тәмле була?» — тип үҙ- ара һүҙ көрәштерәләр икән.
— Һөттән дә тәмле нәмә юҡ, — тип әйтә, ти, бесәй. — Сысҡан да тәмле, ләкин уны тотоуы ҡыйын.
— Көт тәмлеме ни? Тарыны әйтһәң дә ярай. Унан да тәмле нәмә юҡ, — ти икән әтәс.
— Һеҙ, туғандар, юҡты һөйләмәгеҙ. Дөрөҫөн әйткәндә, иң тәмле нәмә — һөйәк. Мин үҙ ғүмеремдә күпме һөйәк ашаным, унан да тәмле аҙыҡ тапманым, — тигән Һарыбай.
— Ашар өсөн кәбеҫтә япрағынан да яҡшы нәмә юҡ, — ти икән Кәзә.
Улар шулай бәхәсләшәләр, бәхәсләшәләр ҙә, бер һүҙгә килә алмайынса, таралышалар, ти.
 
 


1988 йыл