Мөмкин инеме ни шулай. Тамара Искәндәриә

From Wikisource
Jump to navigation Jump to search

Мөмкин инеме ни шулай (Шиғыр)
автор Тамара Искәндәриә


Мөмкин инеме ни шулай


Мөмкин инеме ни шулай
Йәндән йәнгә ҡаҡлығыу?
Шишмә һыуын һондоң, тиһәм,
Һин һонғанһың татлы ыу.

Уйлай-уйлай аңлай алмам
Хыянат асылдарын.
Тормош һабаҡ бирә микән,
Алына аҡылдарым.

Хикмәт аҡылда ла түгел,
Булмаһа терәкәйең.
Һайрар ҡошһоҙ, янар гөлһөҙ
Ҡалды шул йөрәкәйем.