Мәҗлес (Тукай)

From Wikisource
Jump to navigation Jump to search
Мәҗлес
Автор: Габдулла Тукай

Мәҗлес


(Пушкиннән)

Мин сөям дустлар белән булган хозур мәҗлесне кич,
Шундый мәҗлес: анда хөррият белән шатлык рәис;

Торса анда иштелеп «эч, эч» дигән сүз таңгача,
Кясәләр булса тулы без мәет булып аугангача;

Булмаса артык тыгыз эчкән кешеләрнең рәте,
Тып-тыгыз булса бушап калган шешәләрнең рәте.


?