Мырсьысь войтыр, ӧтувтчӧй
Мед олас мырсьысь йӧз костын ён бур йитӧд!
Сьӧлӧм вӧлі лёкӧн тыр.
Сарлӧн „шпикъяс“ ветлісны.
Мырсьысь вӧлі быттьӧ шыр, —
Пуля йылӧ вӧтлісны.
Карлань повтӧг котӧрті,
Паныд — карса мырсьысь морт,
Кыв ме эг шу — сывтырті,
Сійӧ менӧ шуис: „ёрт!..“
„Чарла-мӧлӧт“ вежлалім,
Ӧтув водзӧ воськовтім.
Важ ног олӧм вожмалім
Олас подув юковтім.
Миян уджным юрмунӧ, —
Уна йӧзӧс пальӧдіс.
Буржуй котыр эрмуніс, —
Тӧдтӧм муӧ ылӧдіс^Пышйис./^.
„Мӧлӧт-чарла“ йитчисны, —
Сэсянь йитӧд налӧн ён.
Соцализмлань тувччисны.
Вермӧм вылӧ лача дон.
Мырсьысь йӧзлӧн зумыд ки.
Повтӧмпырысь веськыда
Ордым выльӧс вӧчам ми,
Югӧр сявкъяс паськыда.
Вермӧм югӧр оз вошты —
Шудаинӧ воӧдас,
Сэні шогсьӧм оз вушты,
Шогсян сьӧлӧм бурмӧдас.
Миян йитчӧм оз разьсьы.
Уджысь огӧ эновтчӧй.
Миянлы гыж оз мӧрччы, —
Мырсьысь войтыр ӧтувтчӧй!..
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
- its creator didn't fight or work for Soviet Union victory during the Great Patriotic War — so the 70-year protection term is applied;
- and the creator died before January 1, 1954 (more than 70 years ago), and has been not posthumously rehabilitated since that date;
- and this work was first published before January 1, 1954 (more than 70 years ago).
This work is in the public domain in the United States because it was published before January 1, 1929 (more than 95 years ago).
The author died in 1947, so this work is also in the public domain in other countries and areas where the copyright term is the author's life plus 76 years or less (if applicable), or the copyright term is 95 years or less since publication (if applicable).
Public domainPublic domainfalsefalse