Мый керны
Йӧжгыльӧн, нюкырӧн пыр на ми олам,
Чепӧсйӧм водзӧ ми эгӧ на тӧдлӧ,
Виччысям пыр на ми кодсянькӧ «чолӧм»,
Аслыным шуд дорны кутчысьны полам.
Кытысь нӧ, бур йӧзӧй, бур олӧм тӧдны?
Асьнымӧс пыр на ми радейтам ёна;
Ставным на видзӧдам мӧд вылӧ лёкӧн,
Ӧтиным мӧднымӧс ог лыддьӧй вокӧн
(Кыдз эськӧ конйыштны, тальыштны кокӧн).
Абу мӧй, вокъясӧй, вокъясным дона?
Сӧветскӧй власьт вылӧ букышӧн дувгам:
Сысянь пӧ виччысьны миянлы нинӧм.
Ог тӧдӧ, кодарӧ асьным ми сувтам.
Шатласям, быттьӧнӧсь вӧсньыдик туган,
Ог кужӧ овны ми уджалысь нимӧн.
Кылам кӧ «коммунист», ӧдйӧджык пышъям,
Морт пыдди найӧӧс огӧ ми пуктӧ:
«Найӧ пӧ омӧльяс, сӧмын морт кыша».
Огӧ век аддзӧ ми (видзӧдам дыша),
Коді бур олӧм да веськыд туй кутӧ.
Пескыльтчӧй, вокъясӧй, кокйылӧ сувтӧй,
Шеныштӧ, шыбитӧ лёк олӧм ылӧ!
Топыда, крепыда шуднытӧ кутӧ:
Коммунизм му вылын олас мед кувтӧг,
Гӧрд югӧр сылӧн мед кыптас пыр вылӧ!
Коді нӧ, вокъясӧй, миянлы сетас,
Сӧветскӧй власьт кындзи, кокниджык олӧм?
Вокъясӧй, вокъясӧй, синваыд петас,
Озыр да нартитысь юрсӧ кӧ лэптас.
Пӧдтыны, бырӧдны найӧӧс колӧ!
Сьӧкыд, дерт, вокъясӧй, мырсьыны ӧні:
Эбӧсъяс бырӧма, унатор абу.
Эновтӧ, вунӧдӧ став шогъяс ӧні!
Регыд нин помасяс! Оръясьӧ сӧныс
Озырлӧн, разьсьӧ нин сылӧн пеж кабыр.
Чорзьӧдӧ сьӧлӧмъяс, ӧтвылысь мунӧ.
Мездыны гӧль йӧзӧс-вокъясӧс везйысь,
Медбӧръя, медыджыд тыш вылӧ мунӧ!
Озыр да нартитысь му пыр мед мунӧ!
Сарство мед лоӧ век уджалысь йӧзысь.
 
|
This work is in the public domain in the United States because it was first published outside the United States prior to January 1, 1929. Other jurisdictions have other rules. Also note that this work may not be in the public domain in the 9th Circuit if it was published after July 1, 1909, unless the author is known to have died in 1953 or earlier (more than 70 years ago).[1]
This work might not be in the public domain outside the United States and should not be transferred to a Wikisource language subdomain (or as a file it should not be migrated to the Wikimedia Commons) that excludes pre-1929 works copyrighted at home. Данная работа, впервые изданная до 1929 года, находится в общественном достоянии по законодательству США, и может быть опубликована здесь, в мультиязычной Викитеке. Но эта работа не может быть опубликована в национальной Викитеке, которая должна подчиняться законодательству России, т. к. работы этого автора (за исключением изданных до 7 ноября 1917 года) пока не вышли в общественное достояние в России. Этот автор умер в 1943 году и был посмертно реабилитирован в 1955 году, соответственно эта работа выйдет в России в общественное достояние в 2026 году.
The author died in 1943, so this work is also in the public domain in countries and areas (outside Russia) where the copyright term is the author's life plus 80 years or less. |