Мый вӧчны крестьянинлы
Январ тӧлысьын
1. Вартӧм бӧрын няньтӧ бур кӧйдыс вылӧ машинаӧн (триерӧн) весав да сортируйт.
2. Абу на кӧ куйӧдыд петкӧдӧма, петкӧд му вылад гырысь чукӧръясӧ.
3. Ёнджыка тӧждысь скӧт вӧснаыд, медым сылы вӧлі шоныд, югыд дай сынӧдыс сӧстӧм. Ывласяньыс карта бокъястӧ позьӧ лымйӧн тыртыштны.
4. Тыра порсьӧс видз шоныд да кос инын.
5. Видзӧдлы дзонь-ӧ гӧрйыд. Жугалӧма кӧ, сет пӧчинитны. Плугӧн кӧ гӧран, выль пӧв сійӧс красит. Амысь шабаласӧ весав да машина выйӧн мавт.
6. Чукӧрт пӧимтӧ, мӧдысь картупель улӧ петкӧдан.
7. Рытъясын, удж вылысь локтӧм бӧрын да шойччыштӧм бӧрын артышт мый тэныд важ воыс сетіс: уна-ӧ урожай, вый, йӧв, гос, яй, вурун, мукӧд пӧлӧс прӧдукта. Мӧвпышт выль во вылӧ мый кӧсъян вӧчны. Мӧвпышт арталӧмӧн, медым он сорсьы, ставсӧ бура пасйы. Мыйкӧ кӧ он сяммы, ветлы агроном дінӧ юасьны.
8. Парникъясыд кӧ эм, видлав дзоньӧсь-ӧ рамаясыс, жугавлӧмсӧ дзоньты.
9. Видлы гусьыд картупельтӧ да галанкатӧ, сісьмыны кӧ заводитӧма бӧрйы сісьяссӧ.
|
This work is in the public domain in Russia according to article 6 of Law No. 231-FZ of the Russian Federation of December 18, 2006; the Implementation Act for Book IV of the Civil Code of the Russian Federation:
This work is in the public domain in the United States because it was published before January 1, 1929 (more than 95 years ago). This anonymous or pseudonymous work is also in the public domain in other countries and areas where the copyright term of anonymous or pseudonymous works is 97 years or less since publication. |
|