Мон удмурт пи луисько (Ильин)

From Wikisource
Jump to navigation Jump to search
Мон удмурт пи луисько
Автор: Михаил Ильич Ильин
Источник: Будос. — Ижевск: Удкнига, 1927. — Б. 23—24


Мон удмурт пи луисько


Мон удмурт пи луисько,
Ас гуртме туж яратско;
Чебер ке но ӧвӧл со,
Аслым потэ туж мусо.

Шулдыр тулыс вуэ ке,
Герыме мон кырмисько;
Шуныт гужем луэ ке,
Кусоме зол кутӥсько,

Со кусое жаде ке,
Киям сюрло басьтӥсько.
Собереяз нош ик туж ӟеч
Геры борды кутскисько.

Сӥзьыл куазез итымын
Ужаса мон ортчытско,
Кезьыт толэ юрт бордын
Каньыл гинэ вырисько.

Тулыс монэ бусыын
Тюрагайёс ушъяло,
Гужем чебер возь вылын
Уӵыосыд данъяло.

Бакча ужме ужакум
Шырчикъёсыд кырӟало,
Вуэм юме аракум
Бӧдёноос быльдало.

Гужем дорам ӵыдэтскыкум
Мусо пӧськы шуд сӥзе,
Нюлэскын нош луыкум
Кикы даур кузь сӥзе.

Мон удмурт пи луисько,
Ас гуртме туж яратско;
Чебер ке но ӧвӧл со,
Аслым потэ туж мусо.