Мл҃тва на принѧ́тїе лѣка́рства

Мл҃тва на принѧ́тїе лѣка́рства и҆ и҆на́гѡ врачева́нїѧ.

Гдⷭ҇и бж҃е на́шъ, созда́вый врача̀, и҆ разли̑чнаѧ врачева̑нїѧ, ꙗ҆́коже речѐ писа́нїе, во є҆́же недꙋ́ги и҆сцѣлѧ́ти и҆ болѣ̑зни ѡ҆блегча́ти, дарова́вый! При́зри млⷭ҇тивнѡ на мѧ̀ грѣ́шнаго, простѝ беззакѡ́нїѧ моѧ̑ и҆ грѣхѝ, и҆сцѣлѝ дꙋ́шꙋ мою̀, тѣ́лꙋ же пода́ждь здра́вїе врачева́нїемъ си́мъ, да воспрїи́мъ млⷭ҇рднꙋю по́мощь твою̀, послꙋжꙋ̀ тебѣ̀ со всѧ́кимъ бл҃годаре́нїемъ. Ꙗ҆́кѡ ты̀ є҆сѝ и҆сто́чникъ и҆сцѣле́нїй, и҆ тебѣ̀ сла́вꙋ возсыла́емъ, ѻ҆ц҃ꙋ̀, и҆ сн҃ꙋ, и҆ ст҃о́мꙋ дх҃ꙋ, ны́нѣ и҆ при́снѡ, и҆ во вѣ́ки вѣкѡ́въ. А҆ми́нь.