Мин бирмәмен һине ятҡа. Тамара Искәндәриә

From Wikisource
Jump to navigation Jump to search

Мин бирмәмен һине ятҡа (Шиғыр)
автор Тамара Искәндәриә


Мин бирмәмен һине ятҡа


Мин бирмәмен һине ятҡа!
Шиғыр бикләгәндәй ятҡа,

Доға уҡығандай ҡат-ҡат,
Мөхәббәтебеҙҙе яҡлап,

Ҡара менән яҙам аҡҡа,
Таралһын һүҙ тирә-яҡҡа:

Йоп әйләнмәгәндәй таҡҡа,
Мин бирмәмен һине ятҡа.

Ҡалһа, ҡалыр донъям ҡаҡҡа –
Мин бирмәмен һине ятҡа.

Ҡалһам, ҡалырмын оятҡа –
Мин бирмәмен һине ятҡа.

Мин бирмәмен һине ятҡа.
Мин бирмәмен һине ятҡа.