Валда ян/1931/10/Минь сатфксонекя од предприятиянди капитальнай строительствань тевса

From Wikisource
Jump to navigation Jump to search
Валда ян (1931), 10 №, Ноябрь ков edited by Бажанов Л. Е., Порватов Т. М.
Минь сатфксонекя од предприятиянди капитальнай строительствань тевса
Валда ян. Светлый путь. Эрьковонь общественно-политическай и вель.-хоз. журнал. Нолдаец Мокшэрзянь ВКП(б)-нь обкомсь, облисполкомсь и облпрофсовець. — 10 №, Ноябрь ков, 1931 киза. — с. 3
[3]

Минь сатфксонекя од предприятиянди капитальнай
строительствань тевса

Вете кизонь плантть колмоце решающай кизостонза, капитальнай работань планца арьсекшнеф нолдамс работас 518 оцю од предприятият и пяк лама башка цехт и агрегатт. Тя строительствати сембоц арьсеф основной капиталда 4,5 миллиард цалковай.

Тя основоой капиталть тевс путоманц вельдя, конац пцтай сяшка—жа, конашка ульсь войнада ингольдень Россиять сембе цензовай промышленностец, пяк ламода касыхть минь материальнай ценностенекя хозяйствинеконь сембе юронзон эса.

Тяконь шовор лама сядот од предприятият, цехт и агрегатт, конат тийфть техникать инь мельдень валонзон коряс, юрнек полафцазь социалистическай промышленностть техническай базанц, кепоцы сонь инь вярьдень ступентти.

Вов мес партиясь и правительствась путнихть пяк оцю мяль нят од предприятиятнень тиемаснон и тевс нолдамаснон ланкс.

Октябрьскай революциять 14 кизонь праздниконцты минь тийхтяма итокт социалистическай строительствань тя пяк эрявикс участкатнень эса.

Тяддянь кизонь 3 кварталхнень эзда (январь ковста сявомок, сентябрь ковги молеемс) СССРнь ВСНХ-ть мархта планировандави промышленностть эса нолдаф тевс 225 од продприятия, конатнень основной капиталсна 1 миллиард 800 миллион цалковай питне, али 40 процент киза кувалмонь плантть эзда.

Промышленностень инь эрявикс юрхнень эзга нят предприятиятне явшевихть тяфтаня:

Электростанцияда — 18, конатнень вийсна марса сявозь 375 тьожань киловат Синь йотксост улихть тяфтама пяк оцю станцият: Шгеровскайсь (Донбасса, конань виец 44 тьожань киловат); Нигрэс (Н Новгороца); Ивгрэссь (Иваново Вознесенскай обласьцай, конань виец 48 тьожань киловат; Осингрессь (Белоруссияса), конань виец 10 тьожатть киловат и лама лия станцият.

Угольнай (цятконь) промышленносьца Сембоц нолдаф работама 18 од шахта, конат марса кизоти максыхть 6. 610 тьожань тонна уголь, конатнень йоткста: Донбазса 5 шахтат, конат кизоти максыхть 4.100 тьожань тонна. Нят 18 шахтатнень йоткса тийф васеньце сембе масторланкса инь оцю шахтась ОГПУ, конац кизоти максы 1,5 миллион тонна уголь. Кузбазса — 8 шахтат (конат максыхть кизоти 6.610 тьожань тонна уголь) и Подмосковскай басейнаса 5 шахтат, конат кизоти максыхть 900 тьожань тонна уголь.

Автотракторнай промышленносьца. Ушоць работама Харьковонь Тракторнай завоць, конац кармай нолдама 50.000 трактор кизоти и Москувонь автомобилень завоць „АМО-сь“ (реконструкцияда меле), конац максы 25.000 автомашина.

Металлургияса. Нолдаф работама Томскайть лемса 5 це № домнась и кафта доменнай пянакутт Либкнихтонь лемса завоца.

Нят минь ниньгя аньцек васеньце сатфксонекя социалистическай строительствань фронца. Тяддень кизонь нилеце кварталста, кода вете кизонь планонь колмоце решающай кизонь завершающай кварталсь максы тейнек ниньгя лама од оцю сатфкст.

Нилеце кварталста нолдавихть тевс лама од завотт, фабрикат, шахтат, электростанцият и ст. тов. Сембоц синь эздост нолдави 353 предприятия, конатнень основной капиталсна 2 миллиардшка цалковай.

Нят предприятиятнень йоткса кармайхть улема тяфтама гигантт, кода Магнитогорскай и Кузнецкай металлургическай завоттне (1 це очередень), конат максыхть сай кизоть пцтай 2,5 миллион тонна чугун.

Машиностроительнайхть (оцю машинань тиемат): Уральскай, Крамоторскай, Горловскай завоттне.

Велень хозяйствань машинань тиемат: Саратовонь комбайнань тиема завоць, Ростовонь завоца комбайнань тиема цехсь, „Коммунар" заводонь комбайнань тиема цехсь. Сембоц нят предприятиятне максыхть — 6500 комбайна кизоти. Ули нолдаф Ташкентонь вельхозмашинань тиема завоць, конац кармай ноляма машинат хлопководческай райоттненди.

Химическай промышленносьца улихть нолдафт пяк оцю химкомбинатт: Воскресенскайсь (Москуса), Невскайсь (Ленинграца), Березниковскайсь (2 це очереденнесь — Уралса), Резиново Асбестовай комбинаць (Ярославльса).

Электростанцият: ули нолдаф 31 электростанция, конатнень вийсна кармай улема 650 тьожань киловат.

Каменноугольнайсь: Ули нолдаф 18 шахта Кузбазса, конат максыхть 7 миллиотт тонна уголь кизоти, 13 шахтат Донбазса, конат максыхть 13 миллион тонна уголь кизоти и 3 шахтат Подмосковскай басейнаса, конат максыхть 600 тьожань тонна уголь кизоти.

Тяфта—жа ули нолдаф пяк лама тьождя индустриянь предприятияда (пищекомбинатт, мясохладобойнят, трикотажнай, швейнай фабрикат, стекольно—фарфоровай завотт и ст. тов).

Вов кодама сатфкст сатфт-ни и улихть сатфт минь Советонь масторсонок. Нят сатфксне сатфт масторсонок рабочай клазть мархта, партиять руководстванц и сонь генеральнай китьксонц коряс работамать вельдя. Но нят ниньге аф сембе, мезе минь сатомя. Новостройкатнень тонафнемасна, од техникать содамац, предприятиятнень нолдама срокснон кирьфтамац — арсихть васеньце условиякс минь сатфксонеконь кемокстамасононды. А тя веши, штоба минь максолемя новостройкатненди сатомшка тевонь содай кадрат и тиемс нят кадратненди эрямань цебярк условият (эряма вастт, столовайхть, магазитт и ст. тов). Аньцек нят условиятнень вельдя минь странанекя сацы сембонь сянь, мезе сон учси нят предприятиятнень эзда.

СССР—онь рабочай клазсь вишкста работай 518 предприятиятнень нолдамаса. Сон тяфта жа вишкста кармай тонафнемост нят од предприяти ятнень, конат кепоцазь минь промышленностенеконь и велень—хозяйстванеконь од вишкя техническай база ланкс.