Ма техень яратымаш

Илдушкина Мария Алексеевна

Ма техень яратымаш...
Яратымаш - плетон ганьы,
Пуйырымаш кышты вäл?
Кышты тӹнгжӹ, кышты важшы...
Сӹнзä ак уж нигынам.

Яратымаш - печкӹш пäртня,
Пуйырымаш - кынам йыд.
Кынам тӹлзӹ, кынам äрня-
Эртен кеä шӱмӹн пыч.

Яратымаш - "Цолга шӹдӹр"!
Пуйырымаш - шокшы тыл:
Ӓнят млоец, äнят ӹдӹр
Вӹдӹл пидӹт курым мыч.

Яратымаш - лач поэзий,
Пуйырымаш - курым тäнг.
Ыдӹр, млоец - ли тӹнь гений,
Кынам шиэш тӹньӹн йäнг.