Чик ужатэк, тэк кыльлыса,
Та мачиос улӥзы,
Куксэс вылэ урдыса,
Бурчинь полын кыллизы.
Чик кизьытэк, аратэк,
Елвыл-чечы сиыса,
Секыт ужез адзьытэк,
Улӥзы серекъяса.
Ӵукна умзы тырытэк,
Валес вылӥсь уг султо вал.
Ӝӧк серись кӧтсы тырытэк,
Ужан мынын уг дырто вал.
Стряпка шоры мяу… шуе-ке
Сион пэсьтэмын луэ.
Ляйчи шоры эй… шуо-ке,
Ужзы ужамын луэ.
Городъёсын, гуртъёсын
Бадзьым тузӥ из юртъёс
Ваньмыз мачы ки улын.
Укыр баесь вал соёс.
Кылем сизьыл октябре,
Большевикъёс ӝутӥськизы.
Улон мачылэн табре
Туж алама, туж дзьызы.
Кайгырыса, эпкельыса,
Коть куд пала чакласькыса,
Пуко мачиос паймыса,
Дунне воштӥськемез возьмаса.
Турлы куно возьмало,
Коть куд палӥсь писэйёс.
Чехо-словак лыктэ шуо,
Солы шумпото соос.
